| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ဥပသမ္ပာဒေတဗ္ဗဆက္ကကထာ
Upasampādetabbachakkakathā
၈၅. ဆက္ကေသု ဦနဒသဝသ္သပဒံ ဝိသေသော, တံ သဗ္ဗတ္ထ အာပတ္တိကရံ။ သေသံ ဝုတ္တနယေနေဝ ဝေဒိတဗ္ဗံ။ တတ္ထ ဥဘယာနိ ခော ပနသ္သ ပာတိမောက္ခာနိ ဝိတ္ထာရေန န သ္ဝာဂတာနိ ဟောန္တီတိ ဥဘတောဝိဘင္ဂဝသေန န သ္ဝာဂတာနိ။ န သုဝိဘတ္တာနီတိ မာတိကာဝိဘင္ဂဝသေန။ န သုပ္ပဝတ္တီနီတိ ဝာစုဂ္ဂတဝသေန။ န သုဝိနိစ္ဆိတာနိ သုတ္တသော အနုဗ္ယဉ္ဇနသောတိ မာတိကာတော စ ဝိဘင္ဂတော စ န သုဋ္ဌု ဝိနိစ္ဆိတာနိ။
85. Chakkesu ūnadasavassapadaṃ viseso, taṃ sabbattha āpattikaraṃ. Sesaṃ vuttanayeneva veditabbaṃ. Tattha ubhayāni kho panassa pātimokkhāni vitthārena na svāgatāni hontīti ubhatovibhaṅgavasena na svāgatāni. Na suvibhattānīti mātikāvibhaṅgavasena. Na suppavattīnīti vācuggatavasena. Na suvinicchitāni suttaso anubyañjanasoti mātikāto ca vibhaṅgato ca na suṭṭhu vinicchitāni.
ဥပသမ္ပာဒေတဗ္ဗဆက္ကကထာ နိဋ္ဌိတာ။
Upasampādetabbachakkakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၄. ဥပသမ္ပာဒေတဗ္ဗဆက္ကံ • 24. Upasampādetabbachakkaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၄. ဥပသမ္ပာဒေတဗ္ဗဆက္ကကထာ • 24. Upasampādetabbachakkakathā
