| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
ཨུཔསམྤདཱཝིདྷིཀཐཱཝཎྞནཱ
Upasampadāvidhikathāvaṇṇanā
༡༢༥. ཀུཊྛཾ གཎྜོཏི ཨེཏྠ ཀུཊྛཱདིགྒཧཎེན ཧཏྠཙྪིནྣཱདཡོཔི གཧིཏཱཝ ཧོནྟཱིཏི པོརཱཎཱ, ཏསྨཱ ‘‘མནུསྶོསི པུརིསོསཱི’’ཏི ཨེཏེཧི བྷབྦཱབྷབྦཔུགྒལཔརིཝཛྫནཾ ཀརོཏི། ‘‘བྷུཛིསྶོསི ཨཎཎོསཱི’’ཏིཨཱདཱིཧི པུབྦེ ཧཏྠཙྪིནྣཱདྷིཀཱརེ ཝུཏྟཨཏྠཝིཀཔྤེསུ དུཏིཡཾ ཝིཀཔྤཾ ཨུཔཐམྦྷེཏི། ཏཏྠ ‘‘ཨཎཎོསི བྷུཛིསྶོསཱི’’ཏི ཨནུཀྐམེན ཨཝཏྭཱ ཨུཔྤཊིཔཱཊིཡཱ ཝཙནེན བྷུཛིསྶོ ཧོཏི, ན ཙ རཉྙོ བྷཏྟཝེཏནཝསེན བྷཊོ། རཱཛཱདྷཱིནཏྟཱ པན སོ རཱཛབྷཊཔཀྑཾ བྷཛཏཱིཏི ཏབྦིཔཀྑབྷཱཝཔུཙྪནཏྠཾ ‘‘ནསི རཱཛབྷཊོ’’ཏི ཝུཏྟཾ། ཨཉྙཐཱ པཉྩཧི ཨཱབཱདྷེཧི ཕུཊྛཱནཾ གཧཎེནེཝ སབྦེསཾ གཧཎེ སིདྡྷེ ཨིཏརེ ན ཝཏྟབྦཱ། ཨཐ ཝཏྟབྦཱ, སབྦེཔི ཝཏྟབྦཱ སིཡུཾ།
125.Kuṭṭhaṃ gaṇḍoti ettha kuṭṭhādiggahaṇena hatthacchinnādayopi gahitāva hontīti porāṇā, tasmā ‘‘manussosi purisosī’’ti etehi bhabbābhabbapuggalaparivajjanaṃ karoti. ‘‘Bhujissosi aṇaṇosī’’tiādīhi pubbe hatthacchinnādhikāre vuttaatthavikappesu dutiyaṃ vikappaṃ upathambheti. Tattha ‘‘aṇaṇosi bhujissosī’’ti anukkamena avatvā uppaṭipāṭiyā vacanena bhujisso hoti, na ca rañño bhattavetanavasena bhaṭo. Rājādhīnattā pana so rājabhaṭapakkhaṃ bhajatīti tabbipakkhabhāvapucchanatthaṃ ‘‘nasi rājabhaṭo’’ti vuttaṃ. Aññathā pañcahi ābādhehi phuṭṭhānaṃ gahaṇeneva sabbesaṃ gahaṇe siddhe itare na vattabbā. Atha vattabbā, sabbepi vattabbā siyuṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༦༣. ཨུཔསམྤདཱཝིདྷི • 63. Upasampadāvidhi
