| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
ಉಪಸಮ್ಪದಾವಿಧಿಕಥಾವಣ್ಣನಾ
Upasampadāvidhikathāvaṇṇanā
೧೨೫. ಕುಟ್ಠಂ ಗಣ್ಡೋತಿ ಏತ್ಥ ಕುಟ್ಠಾದಿಗ್ಗಹಣೇನ ಹತ್ಥಚ್ಛಿನ್ನಾದಯೋಪಿ ಗಹಿತಾವ ಹೋನ್ತೀತಿ ಪೋರಾಣಾ, ತಸ್ಮಾ ‘‘ಮನುಸ್ಸೋಸಿ ಪುರಿಸೋಸೀ’’ತಿ ಏತೇಹಿ ಭಬ್ಬಾಭಬ್ಬಪುಗ್ಗಲಪರಿವಜ್ಜನಂ ಕರೋತಿ। ‘‘ಭುಜಿಸ್ಸೋಸಿ ಅಣಣೋಸೀ’’ತಿಆದೀಹಿ ಪುಬ್ಬೇ ಹತ್ಥಚ್ಛಿನ್ನಾಧಿಕಾರೇ ವುತ್ತಅತ್ಥವಿಕಪ್ಪೇಸು ದುತಿಯಂ ವಿಕಪ್ಪಂ ಉಪಥಮ್ಭೇತಿ। ತತ್ಥ ‘‘ಅಣಣೋಸಿ ಭುಜಿಸ್ಸೋಸೀ’’ತಿ ಅನುಕ್ಕಮೇನ ಅವತ್ವಾ ಉಪ್ಪಟಿಪಾಟಿಯಾ ವಚನೇನ ಭುಜಿಸ್ಸೋ ಹೋತಿ, ನ ಚ ರಞ್ಞೋ ಭತ್ತವೇತನವಸೇನ ಭಟೋ। ರಾಜಾಧೀನತ್ತಾ ಪನ ಸೋ ರಾಜಭಟಪಕ್ಖಂ ಭಜತೀತಿ ತಬ್ಬಿಪಕ್ಖಭಾವಪುಚ್ಛನತ್ಥಂ ‘‘ನಸಿ ರಾಜಭಟೋ’’ತಿ ವುತ್ತಂ। ಅಞ್ಞಥಾ ಪಞ್ಚಹಿ ಆಬಾಧೇಹಿ ಫುಟ್ಠಾನಂ ಗಹಣೇನೇವ ಸಬ್ಬೇಸಂ ಗಹಣೇ ಸಿದ್ಧೇ ಇತರೇ ನ ವತ್ತಬ್ಬಾ। ಅಥ ವತ್ತಬ್ಬಾ, ಸಬ್ಬೇಪಿ ವತ್ತಬ್ಬಾ ಸಿಯುಂ।
125.Kuṭṭhaṃ gaṇḍoti ettha kuṭṭhādiggahaṇena hatthacchinnādayopi gahitāva hontīti porāṇā, tasmā ‘‘manussosi purisosī’’ti etehi bhabbābhabbapuggalaparivajjanaṃ karoti. ‘‘Bhujissosi aṇaṇosī’’tiādīhi pubbe hatthacchinnādhikāre vuttaatthavikappesu dutiyaṃ vikappaṃ upathambheti. Tattha ‘‘aṇaṇosi bhujissosī’’ti anukkamena avatvā uppaṭipāṭiyā vacanena bhujisso hoti, na ca rañño bhattavetanavasena bhaṭo. Rājādhīnattā pana so rājabhaṭapakkhaṃ bhajatīti tabbipakkhabhāvapucchanatthaṃ ‘‘nasi rājabhaṭo’’ti vuttaṃ. Aññathā pañcahi ābādhehi phuṭṭhānaṃ gahaṇeneva sabbesaṃ gahaṇe siddhe itare na vattabbā. Atha vattabbā, sabbepi vattabbā siyuṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೬೩. ಉಪಸಮ್ಪದಾವಿಧಿ • 63. Upasampadāvidhi
