| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬৩. উপসম্পদাৰিধিকথা
63. Upasampadāvidhikathā
১২৬. তং উপজ্ঝন্তি তং উপজ্ঝাযং। ‘‘উপজ্ঝা’’তি চ ‘‘উপজ্ঝাযো’’তি চ হি অত্থতো একং, ব্যঞ্জনমেৰ নানং যথা ‘‘সভা সভায’’ন্তি। এত্থ উপজ্ঝাসদ্দো রাজাদিগণো (রুপসিদ্ধি ৫৯৯ সুত্তে; সদ্দনীতি ১১৪০ সুত্তে), উপজ্ঝাযসদ্দো পুরিসাদিগণো। সভাসদ্দো ইত্থিলিঙ্গো, সভাযসদ্দো পুল্লিঙ্গো ৰা নপুংসকলিঙ্গো ৰা। ‘‘ৰিত্থাযন্তী’’তি সদ্দো নামধাতূতি আহ ‘‘ৰিত্থদ্ধগত্তা হোন্তী’’তি। ৰিত্থসদ্দো হি দব্বৰাচকত্তা নামসদ্দো, ৰিকারেন থদ্ধো গত্তো এতেসন্তি ৰিত্থা, দ্ধকারস্স লোপং কত্ৰা, ততো আযপচ্চযো হোতি। যন্তি যং অন্তরাযজাতং। তৰ সরীরেতি তুয্হং কাযে। ‘‘নিব্বত্ত’’ন্তি ইমিনা ‘‘জাত’’ন্তি এত্থ জনধাতুযা জননত্থং দস্সেতি, ‘‘ৰিজ্জমান’’ন্তি ইমিনা জনীধাতুযা পাতুভাৰত্থং দস্সেতি। সন্তন্তি সংৰিজ্জমানং। ইতিআদি কথেতব্বন্তি যোজনা।
126.Taṃ upajjhanti taṃ upajjhāyaṃ. ‘‘Upajjhā’’ti ca ‘‘upajjhāyo’’ti ca hi atthato ekaṃ, byañjanameva nānaṃ yathā ‘‘sabhā sabhāya’’nti. Ettha upajjhāsaddo rājādigaṇo (rupasiddhi 599 sutte; saddanīti 1140 sutte), upajjhāyasaddo purisādigaṇo. Sabhāsaddo itthiliṅgo, sabhāyasaddo pulliṅgo vā napuṃsakaliṅgo vā. ‘‘Vitthāyantī’’ti saddo nāmadhātūti āha ‘‘vitthaddhagattā hontī’’ti. Vitthasaddo hi dabbavācakattā nāmasaddo, vikārena thaddho gatto etesanti vitthā, ddhakārassa lopaṃ katvā, tato āyapaccayo hoti. Yanti yaṃ antarāyajātaṃ. Tava sarīreti tuyhaṃ kāye. ‘‘Nibbatta’’nti iminā ‘‘jāta’’nti ettha janadhātuyā jananatthaṃ dasseti, ‘‘vijjamāna’’nti iminā janīdhātuyā pātubhāvatthaṃ dasseti. Santanti saṃvijjamānaṃ. Itiādi kathetabbanti yojanā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ৬৩. উপসম্পদাৰিধি • 63. Upasampadāvidhi
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / উপসম্পদাৰিধিকথা • Upasampadāvidhikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / উপসম্পদাৰিধিকথাৰণ্ণনা • Upasampadāvidhikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / উপসম্পদাৰিধিকথাৰণ্ণনা • Upasampadāvidhikathāvaṇṇanā
