| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. убабаригкасуд̇д̇аван̣н̣анаа
5. Upaparikkhasuttavaṇṇanā
94. бан̃жамз д̇ат̇аа д̇ат̇аад̇и д̇зна д̇зна багаарзна. убабаригкзяяаад̇и виймам̣сзяяа барид̇улзяяа саммасзяяа ваа. яат̇аа яат̇аасса убабаригкад̇од̇и яат̇аа яат̇аа асса бхигкуно убабаригканд̇асса. б̣ахид̣̇д̇хаа жасса вин̃н̃аан̣ам̣ авигкид̇д̇ам̣ ависаданд̇и б̣ахид̣̇д̇хаа руубаад̣̇иаарамман̣з уббаж̇ж̇анагавигкзбаабхаавад̇о авигкид̇д̇ам̣ самаахид̇ам̣, д̇ад̇о зва ависадам̣ сияаа . ид̣̇ам̣ вуд̇д̇ам̣ ход̇и – бхигкавз, язна язна багаарзна имасса аарад̣̇д̇хавибассагасса бхигкуно убабаригкад̇о сан̇каарз саммасанд̇асса буб̣б̣з самаахид̇аагаарасаллагкан̣авасзна самат̇анимид̇д̇ам̣ г̇ахзд̇ваа саггажжам̣ ниранд̇арам̣ саммасанан̃аан̣ам̣ бавад̇д̇знд̇асса ад̇д̇ано вибассанаажид̇д̇ам̣ гаммадтаанад̇о б̣ахид̣̇д̇хаа руубаад̣̇иаарамман̣з уббаж̇ж̇анагам̣ на сияаа, ажжаарад̣̇д̇хавийрияад̇ааяа уд̣̇д̇хажжабагкияам̣ на сияаа, д̇зна д̇зна багаарзна бхигку убабаригкзяяа барид̇улзяяаад̇и. аж̇жхад̇д̇ам̣ асан̣тид̇анд̇и яасмаа вийрияз манд̣̇ам̣ ваханд̇з самаад̇хисса б̣алавабхаавад̇о госаж̇ж̇аабхибхавзна аж̇жхад̇д̇ам̣ г̇ожараж̇жхад̇д̇асан̇каад̇з гаммадтаанаарамман̣з сан̇гожавасзна тид̇ад̇д̇аа сан̣тид̇ам̣ наама ход̇и, вийрияасамад̇ааяа бана яож̇ид̇ааяа асан̣тид̇ам̣ ход̇и вийт̇им̣ бадибаннам̣. д̇асмаа яат̇аа яат̇аасса убабаригкад̇о вин̃н̃аан̣ам̣ аж̇жхад̇д̇ам̣ асан̣тид̇ам̣ асса, вийт̇ибадибаннам̣ сияаа, д̇ат̇аа д̇ат̇аа убабаригкзяяа. анубаад̣̇ааяа на барид̇ассзяяаад̇и яат̇аа яат̇аасса убабаригкад̇о ‘‘зд̇ам̣ мама, зсо мз ад̇д̇аа’’д̇и д̇ан̣хаад̣̇идтиг̇г̇аахавасзна руубаад̣̇ийсу ган̃жи сан̇каарам̣ аг̇г̇ахзд̇ваа д̇ад̇о зва д̇ан̣хаад̣̇идтиг̇г̇аахавасзна на барид̇ассзяяа, д̇ат̇аа д̇ат̇аа убабаригкзяяаад̇и самб̣анд̇хо. гат̇ам̣ бана убабаригкад̇о д̇ивид̇хамбзд̇ам̣ сияаад̇и? уд̣̇д̇хажжабагкияз госаж̇ж̇абагкияз жа д̇хаммз важ̇ж̇знд̇о вийрияасамад̇ам̣ яож̇зд̇ваа буб̣б̣зва вибассанубаггилзсзхи жид̇д̇ам̣ висод̇хзд̇ваа яат̇аа саммад̣̇зва вибассанаан̃аан̣ам̣ вибассанаавийт̇им̣ бадибаж̇ж̇ад̇и, д̇ат̇аа саммасад̇о.
94. Pañcame tathā tathāti tena tena pakārena. Upaparikkheyyāti vīmaṃseyya parituleyya sammaseyya vā. Yathā yathāssa upaparikkhatoti yathā yathā assa bhikkhuno upaparikkhantassa. Bahiddhācassa viññāṇaṃ avikkhittaṃ avisaṭanti bahiddhā rūpādiārammaṇe uppajjanakavikkhepābhāvato avikkhittaṃ samāhitaṃ, tato eva avisaṭaṃ siyā . Idaṃ vuttaṃ hoti – bhikkhave, yena yena pakārena imassa āraddhavipassakassa bhikkhuno upaparikkhato saṅkhāre sammasantassa pubbe samāhitākārasallakkhaṇavasena samathanimittaṃ gahetvā sakkaccaṃ nirantaraṃ sammasanañāṇaṃ pavattentassa attano vipassanācittaṃ kammaṭṭhānato bahiddhā rūpādiārammaṇe uppajjanakaṃ na siyā, accāraddhavīriyatāya uddhaccapakkhiyaṃ na siyā, tena tena pakārena bhikkhu upaparikkheyya parituleyyāti. Ajjhattaṃ asaṇṭhitanti yasmā vīriye mandaṃ vahante samādhissa balavabhāvato kosajjābhibhavena ajjhattaṃ gocarajjhattasaṅkhāte kammaṭṭhānārammaṇe saṅkocavasena ṭhitattā saṇṭhitaṃ nāma hoti, vīriyasamatāya pana yojitāya asaṇṭhitaṃ hoti vīthiṃ paṭipannaṃ. Tasmā yathā yathāssa upaparikkhato viññāṇaṃ ajjhattaṃ asaṇṭhitaṃ assa, vīthipaṭipannaṃ siyā, tathā tathā upaparikkheyya. Anupādāya na paritasseyyāti yathā yathāssa upaparikkhato ‘‘etaṃ mama, eso me attā’’ti taṇhādiṭṭhiggāhavasena rūpādīsu kañci saṅkhāraṃ aggahetvā tato eva taṇhādiṭṭhiggāhavasena na paritasseyya, tathā tathā upaparikkheyyāti sambandho. Kathaṃ pana upaparikkhato tividhampetaṃ siyāti? Uddhaccapakkhiye kosajjapakkhiye ca dhamme vajjento vīriyasamataṃ yojetvā pubbeva vipassanupakkilesehi cittaṃ visodhetvā yathā sammadeva vipassanāñāṇaṃ vipassanāvīthiṃ paṭipajjati, tathā sammasato.
ид̇и бхаг̇аваа жад̇усажжагаммадтаанигасса бхигкуно ануггамзна бадибад̣̇аан̃аан̣ад̣̇ассанависуд̣̇д̇хияаа аарад̣̇д̇хааяа ажжаарад̣̇д̇хавийрияаад̇исит̇илавийрияавибассанубаггилзсзхи жид̇д̇асса висод̇хануубааяам̣ д̣̇ассзд̇ваа ид̣̇аани д̇ат̇аа висод̇хид̇з вибассанаан̃аан̣з на жирассзва вибассанам̣ маг̇г̇зна гхадзд̇ваа сагалаваддад̣̇угкасамад̇иггамааяа сам̣вад̇д̇анд̇ийд̇и д̣̇ассзнд̇о ‘‘б̣ахид̣̇д̇хаа, бхигкавз , вин̃н̃аан̣з’’д̇иаад̣̇имааха, д̇ам̣ вуд̇д̇анаяамзва. яам̣ бана вуд̇д̇ам̣ – ‘‘ааяад̇им̣ ж̇аад̇иж̇араамаран̣ад̣̇угкасамуд̣̇аяасамбхаво на ход̇ий’’д̇и, д̇ассад̇т̇о – звам̣ вибассанам̣ маг̇г̇зна гхадзд̇ваа маг̇г̇абадибаадияаа аг̇г̇амаг̇г̇зна анавасзсад̇о гилзсзсу кийн̣зсу ааяад̇им̣ анааг̇ад̇з ж̇аад̇иж̇араамаран̣асагалаваддад̣̇угкасамуд̣̇аяасан̇каад̇о самбхаво уббаад̣̇о жа на ход̇и, ж̇аад̇исан̇каад̇о ваа д̣̇угкасамуд̣̇аяо ж̇араамаран̣асан̇каад̇о д̣̇угкасамбхаво жа на ход̇и.
Iti bhagavā catusaccakammaṭṭhānikassa bhikkhuno anukkamena paṭipadāñāṇadassanavisuddhiyā āraddhāya accāraddhavīriyaatisithilavīriyavipassanupakkilesehi cittassa visodhanūpāyaṃ dassetvā idāni tathā visodhite vipassanāñāṇe na cirasseva vipassanaṃ maggena ghaṭetvā sakalavaṭṭadukkhasamatikkamāya saṃvattantīti dassento ‘‘bahiddhā, bhikkhave, viññāṇe’’tiādimāha, taṃ vuttanayameva. Yaṃ pana vuttaṃ – ‘‘āyatiṃ jātijarāmaraṇadukkhasamudayasambhavo na hotī’’ti, tassattho – evaṃ vipassanaṃ maggena ghaṭetvā maggapaṭipāṭiyā aggamaggena anavasesato kilesesu khīṇesu āyatiṃ anāgate jātijarāmaraṇasakalavaṭṭadukkhasamudayasaṅkhāto sambhavo uppādo ca na hoti, jātisaṅkhāto vā dukkhasamudayo jarāmaraṇasaṅkhāto dukkhasambhavo ca na hoti.
г̇аат̇ааяам̣ сад̇д̇асан̇г̇аббахийнассаад̇и д̇ан̣хаасан̇г̇о, д̣̇идтисан̇г̇о, маанасан̇г̇о, год̇хасан̇г̇о, авиж̇ж̇аасан̇г̇о, гилзсасан̇г̇о, д̣̇ужжарид̇асан̇г̇од̇и имзсам̣ сад̇д̇аннам̣ сан̇г̇аанам̣ бахийнад̇д̇аа сад̇д̇асан̇г̇аббахийнасса. гзжи бана ‘‘сад̇д̇аанусаяаа зва сад̇д̇а сан̇г̇аа’’д̇и вад̣̇анд̇и. нзд̇д̇ижчиннассаад̇и чиннабхаванзд̇д̇игасса . вигкийн̣о ж̇аад̇исам̣саарод̇и бунаббунам̣ ж̇ааяанавасзна бавад̇д̇ияаа ж̇аад̇ихзд̇угад̇д̇аа жа ж̇аад̇ибхууд̇о сам̣саарод̇и ж̇аад̇исам̣сааро, со бхаванзд̇д̇ияаа чиннад̇д̇аа вигкийн̣о баригкийн̣о, д̇ад̇о зва над̇т̇и д̇асса бунаб̣бхавод̇и.
Gāthāyaṃ sattasaṅgappahīnassāti taṇhāsaṅgo, diṭṭhisaṅgo, mānasaṅgo, kodhasaṅgo, avijjāsaṅgo, kilesasaṅgo, duccaritasaṅgoti imesaṃ sattannaṃ saṅgānaṃ pahīnattā sattasaṅgappahīnassa. Keci pana ‘‘sattānusayā eva satta saṅgā’’ti vadanti. Netticchinnassāti chinnabhavanettikassa . Vikkhīṇo jātisaṃsāroti punappunaṃ jāyanavasena pavattiyā jātihetukattā ca jātibhūto saṃsāroti jātisaṃsāro, so bhavanettiyā chinnattā vikkhīṇo parikkhīṇo, tato eva natthi tassa punabbhavoti.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 5. убабаригкасуд̇д̇ам̣ • 5. Upaparikkhasuttaṃ
