| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩. ਉਪਨਿਸਸੁਤ੍ਤਂ
3. Upanisasuttaṃ
੨੩. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਜਾਨਤੋ ਅਹਂ, ਭਿਕ੍ਖવੇ, ਪਸ੍ਸਤੋ ਆਸવਾਨਂ ਖਯਂ વਦਾਮਿ, ਨੋ ਅਜਾਨਤੋ ਨੋ ਅਪਸ੍ਸਤੋ। ਕਿਞ੍ਚ, ਭਿਕ੍ਖવੇ, ਜਾਨਤੋ ਕਿਂ ਪਸ੍ਸਤੋ ਆਸવਾਨਂ ਖਯੋ ਹੋਤਿ ? ਇਤਿ ਰੂਪਂ ਇਤਿ ਰੂਪਸ੍ਸ ਸਮੁਦਯੋ ਇਤਿ ਰੂਪਸ੍ਸ ਅਤ੍ਥਙ੍ਗਮੋ, ਇਤਿ વੇਦਨਾ…ਪੇ॰… ਇਤਿ ਸਞ੍ਞਾ… ਇਤਿ ਸਙ੍ਖਾਰਾ… ਇਤਿ વਿਞ੍ਞਾਣਂ ਇਤਿ વਿਞ੍ਞਾਣਸ੍ਸ ਸਮੁਦਯੋ ਇਤਿ વਿਞ੍ਞਾਣਸ੍ਸ ਅਤ੍ਥਙ੍ਗਮੋਤਿ। ਏવਂ ਖੋ, ਭਿਕ੍ਖવੇ, ਜਾਨਤੋ ਏવਂ ਪਸ੍ਸਤੋ ਆਸવਾਨਂ ਖਯੋ ਹੋਤਿ’’।
23. Sāvatthiyaṃ viharati…pe… ‘‘jānato ahaṃ, bhikkhave, passato āsavānaṃ khayaṃ vadāmi, no ajānato no apassato. Kiñca, bhikkhave, jānato kiṃ passato āsavānaṃ khayo hoti ? Iti rūpaṃ iti rūpassa samudayo iti rūpassa atthaṅgamo, iti vedanā…pe… iti saññā… iti saṅkhārā… iti viññāṇaṃ iti viññāṇassa samudayo iti viññāṇassa atthaṅgamoti. Evaṃ kho, bhikkhave, jānato evaṃ passato āsavānaṃ khayo hoti’’.
‘‘ਯਮ੍ਪਿਸ੍ਸ ਤਂ, ਭਿਕ੍ਖવੇ, ਖਯਸ੍ਮਿਂ ਖਯੇਞ੍ਞਾਣਂ, ਤਮ੍ਪਿ ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਖਯੇਞਾਣਸ੍ਸ ਉਪਨਿਸਾ? ‘વਿਮੁਤ੍ਤੀ’ਤਿਸ੍ਸ વਚਨੀਯਂ। વਿਮੁਤ੍ਤਿਮ੍ਪਾਹਂ 1, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, વਿਮੁਤ੍ਤਿਯਾ ਉਪਨਿਸਾ? ‘વਿਰਾਗੋ’ਤਿਸ੍ਸ વਚਨੀਯਂ। વਿਰਾਗਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, વਿਰਾਗਸ੍ਸ ਉਪਨਿਸਾ? ‘ਨਿਬ੍ਬਿਦਾ’ਤਿਸ੍ਸ વਚਨੀਯਂ। ਨਿਬ੍ਬਿਦਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਨਿਬ੍ਬਿਦਾਯ ਉਪਨਿਸਾ? ‘ਯਥਾਭੂਤਞਾਣਦਸ੍ਸਨ’ਨ੍ਤਿਸ੍ਸ વਚਨੀਯਂ। ਯਥਾਭੂਤਞਾਣਦਸ੍ਸਨਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਯਥਾਭੂਤਞਾਣਦਸ੍ਸਨਸ੍ਸ ਉਪਨਿਸਾ? ‘ਸਮਾਧੀ’ਤਿਸ੍ਸ વਚਨੀਯਂ। ਸਮਾਧਿਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ।
‘‘Yampissa taṃ, bhikkhave, khayasmiṃ khayeññāṇaṃ, tampi saupanisaṃ vadāmi, no anupanisaṃ. Kā ca, bhikkhave, khayeñāṇassa upanisā? ‘Vimuttī’tissa vacanīyaṃ. Vimuttimpāhaṃ 2, bhikkhave, saupanisaṃ vadāmi, no anupanisaṃ. Kā ca, bhikkhave, vimuttiyā upanisā? ‘Virāgo’tissa vacanīyaṃ. Virāgampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, virāgassa upanisā? ‘Nibbidā’tissa vacanīyaṃ. Nibbidampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, nibbidāya upanisā? ‘Yathābhūtañāṇadassana’ntissa vacanīyaṃ. Yathābhūtañāṇadassanampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, yathābhūtañāṇadassanassa upanisā? ‘Samādhī’tissa vacanīyaṃ. Samādhimpāhaṃ, bhikkhave, saupanisaṃ vadāmi, no anupanisaṃ.
‘‘ਕਾ ਚ, ਭਿਕ੍ਖવੇ, ਸਮਾਧਿਸ੍ਸ ਉਪਨਿਸਾ? ‘ਸੁਖ’ਨ੍ਤਿਸ੍ਸ વਚਨੀਯਂ। ਸੁਖਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਸੁਖਸ੍ਸ ਉਪਨਿਸਾ? ‘ਪਸ੍ਸਦ੍ਧੀ’ਤਿਸ੍ਸ વਚਨੀਯਂ। ਪਸ੍ਸਦ੍ਧਿਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਪਸ੍ਸਦ੍ਧਿਯਾ ਉਪਨਿਸਾ? ‘ਪੀਤੀ’ਤਿਸ੍ਸ વਚਨੀਯਂ। ਪੀਤਿਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਪੀਤਿਯਾ ਉਪਨਿਸਾ? ‘ਪਾਮੋਜ੍ਜ’ਨ੍ਤਿਸ੍ਸ વਚਨੀਯਂ। ਪਾਮੋਜ੍ਜਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਪਾਮੋਜ੍ਜਸ੍ਸ ਉਪਨਿਸਾ? ‘ਸਦ੍ਧਾ’ਤਿਸ੍ਸ વਚਨੀਯਂ। ਸਦ੍ਧਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ।
‘‘Kā ca, bhikkhave, samādhissa upanisā? ‘Sukha’ntissa vacanīyaṃ. Sukhampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, sukhassa upanisā? ‘Passaddhī’tissa vacanīyaṃ. Passaddhimpāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, passaddhiyā upanisā? ‘Pītī’tissa vacanīyaṃ. Pītimpāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, pītiyā upanisā? ‘Pāmojja’ntissa vacanīyaṃ. Pāmojjampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, pāmojjassa upanisā? ‘Saddhā’tissa vacanīyaṃ. Saddhampāhaṃ, bhikkhave, saupanisaṃ vadāmi, no anupanisaṃ.
‘‘ਕਾ ਚ, ਭਿਕ੍ਖવੇ, ਸਦ੍ਧਾਯ ਉਪਨਿਸਾ? ‘ਦੁਕ੍ਖ’ਨ੍ਤਿਸ੍ਸ વਚਨੀਯਂ। ਦੁਕ੍ਖਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਦੁਕ੍ਖਸ੍ਸ ਉਪਨਿਸਾ? ‘ਜਾਤੀ’ਤਿਸ੍ਸ વਚਨੀਯਂ। ਜਾਤਿਮ੍ਪਾਹਂ , ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਜਾਤਿਯਾ ਉਪਨਿਸਾ? ‘ਭવੋ’ਤਿਸ੍ਸ વਚਨੀਯਂ। ਭવਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ , ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਭવਸ੍ਸ ਉਪਨਿਸਾ? ‘ਉਪਾਦਾਨ’ਨ੍ਤਿਸ੍ਸ વਚਨੀਯਂ। ਉਪਾਦਾਨਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ। ਕਾ ਚ, ਭਿਕ੍ਖવੇ, ਉਪਾਦਾਨਸ੍ਸ ਉਪਨਿਸਾ? ‘ਤਣ੍ਹਾ’ਤਿਸ੍ਸ વਚਨੀਯਂ। ਤਣ੍ਹਮ੍ਪਾਹਂ, ਭਿਕ੍ਖવੇ, ਸਉਪਨਿਸਂ વਦਾਮਿ, ਨੋ ਅਨੁਪਨਿਸਂ।
‘‘Kā ca, bhikkhave, saddhāya upanisā? ‘Dukkha’ntissa vacanīyaṃ. Dukkhampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, dukkhassa upanisā? ‘Jātī’tissa vacanīyaṃ. Jātimpāhaṃ , bhikkhave, saupanisaṃ vadāmi, no anupanisaṃ. Kā ca, bhikkhave, jātiyā upanisā? ‘Bhavo’tissa vacanīyaṃ. Bhavampāhaṃ, bhikkhave, saupanisaṃ vadāmi , no anupanisaṃ. Kā ca, bhikkhave, bhavassa upanisā? ‘Upādāna’ntissa vacanīyaṃ. Upādānampāhaṃ, bhikkhave, saupanisaṃ vadāmi, no anupanisaṃ. Kā ca, bhikkhave, upādānassa upanisā? ‘Taṇhā’tissa vacanīyaṃ. Taṇhampāhaṃ, bhikkhave, saupanisaṃ vadāmi, no anupanisaṃ.
‘‘ਕਾ ਚ, ਭਿਕ੍ਖવੇ, ਤਣ੍ਹਾਯ ਉਪਨਿਸਾ? ‘વੇਦਨਾ’ਤਿਸ੍ਸ વਚਨੀਯਂ…ਪੇ॰… ‘ਫਸ੍ਸੋ’ਤਿਸ੍ਸ વਚਨੀਯਂ… ‘ਸਲ਼ਾਯਤਨ’ਨ੍ਤਿਸ੍ਸ વਚਨੀਯਂ… ‘ਨਾਮਰੂਪ’ਨ੍ਤਿਸ੍ਸ વਚਨੀਯਂ… ‘વਿਞ੍ਞਾਣ’ਨ੍ਤਿਸ੍ਸ વਚਨੀਯਂ… ‘ਸਙ੍ਖਾਰਾ’ਤਿਸ੍ਸ વਚਨੀਯਂ। ਸਙ੍ਖਾਰੇਪਾਹਂ, ਭਿਕ੍ਖવੇ, ਸਉਪਨਿਸੇ વਦਾਮਿ, ਨੋ ਅਨੁਪਨਿਸੇ। ਕਾ ਚ, ਭਿਕ੍ਖવੇ, ਸਙ੍ਖਾਰਾਨਂ ਉਪਨਿਸਾ? ‘ਅવਿਜ੍ਜਾ’ਤਿਸ੍ਸ વਚਨੀਯਂ।
‘‘Kā ca, bhikkhave, taṇhāya upanisā? ‘Vedanā’tissa vacanīyaṃ…pe… ‘phasso’tissa vacanīyaṃ… ‘saḷāyatana’ntissa vacanīyaṃ… ‘nāmarūpa’ntissa vacanīyaṃ… ‘viññāṇa’ntissa vacanīyaṃ… ‘saṅkhārā’tissa vacanīyaṃ. Saṅkhārepāhaṃ, bhikkhave, saupanise vadāmi, no anupanise. Kā ca, bhikkhave, saṅkhārānaṃ upanisā? ‘Avijjā’tissa vacanīyaṃ.
‘‘ਇਤਿ ਖੋ, ਭਿਕ੍ਖવੇ, ਅવਿਜ੍ਜੂਪਨਿਸਾ ਸਙ੍ਖਾਰਾ, ਸਙ੍ਖਾਰੂਪਨਿਸਂ વਿਞ੍ਞਾਣਂ, વਿਞ੍ਞਾਣੂਪਨਿਸਂ ਨਾਮਰੂਪਂ, ਨਾਮਰੂਪੂਪਨਿਸਂ ਸਲ਼ਾਯਤਨਂ, ਸਲ਼ਾਯਤਨੂਪਨਿਸੋ ਫਸ੍ਸੋ, ਫਸ੍ਸੂਪਨਿਸਾ વੇਦਨਾ, વੇਦਨੂਪਨਿਸਾ ਤਣ੍ਹਾ, ਤਣ੍ਹੂਪਨਿਸਂ ਉਪਾਦਾਨਂ, ਉਪਾਦਾਨੂਪਨਿਸੋ ਭવੋ, ਭવੂਪਨਿਸਾ ਜਾਤਿ, ਜਾਤੂਪਨਿਸਂ ਦੁਕ੍ਖਂ, ਦੁਕ੍ਖੂਪਨਿਸਾ ਸਦ੍ਧਾ, ਸਦ੍ਧੂਪਨਿਸਂ ਪਾਮੋਜ੍ਜਂ, ਪਾਮੋਜ੍ਜੂਪਨਿਸਾ ਪੀਤਿ, ਪੀਤੂਪਨਿਸਾ ਪਸ੍ਸਦ੍ਧਿ, ਪਸ੍ਸਦ੍ਧੂਪਨਿਸਂ ਸੁਖਂ, ਸੁਖੂਪਨਿਸੋ ਸਮਾਧਿ, ਸਮਾਧੂਪਨਿਸਂ ਯਥਾਭੂਤਞਾਣਦਸ੍ਸਨਂ, ਯਥਾਭੂਤਞਾਣਦਸ੍ਸਨੂਪਨਿਸਾ ਨਿਬ੍ਬਿਦਾ, ਨਿਬ੍ਬਿਦੂਪਨਿਸੋ વਿਰਾਗੋ, વਿਰਾਗੂਪਨਿਸਾ વਿਮੁਤ੍ਤਿ, વਿਮੁਤ੍ਤੂਪਨਿਸਂ ਖਯੇਞਾਣਂ।
‘‘Iti kho, bhikkhave, avijjūpanisā saṅkhārā, saṅkhārūpanisaṃ viññāṇaṃ, viññāṇūpanisaṃ nāmarūpaṃ, nāmarūpūpanisaṃ saḷāyatanaṃ, saḷāyatanūpaniso phasso, phassūpanisā vedanā, vedanūpanisā taṇhā, taṇhūpanisaṃ upādānaṃ, upādānūpaniso bhavo, bhavūpanisā jāti, jātūpanisaṃ dukkhaṃ, dukkhūpanisā saddhā, saddhūpanisaṃ pāmojjaṃ, pāmojjūpanisā pīti, pītūpanisā passaddhi, passaddhūpanisaṃ sukhaṃ, sukhūpaniso samādhi, samādhūpanisaṃ yathābhūtañāṇadassanaṃ, yathābhūtañāṇadassanūpanisā nibbidā, nibbidūpaniso virāgo, virāgūpanisā vimutti, vimuttūpanisaṃ khayeñāṇaṃ.
‘‘ਸੇਯ੍ਯਥਾਪਿ, ਭਿਕ੍ਖવੇ, ਉਪਰਿਪਬ੍ਬਤੇ ਥੁਲ੍ਲਫੁਸਿਤਕੇ ਦੇવੇ વਸ੍ਸਨ੍ਤੇ ਤਂ ਉਦਕਂ ਯਥਾਨਿਨ੍ਨਂ ਪવਤ੍ਤਮਾਨਂ ਪਬ੍ਬਤਕਨ੍ਦਰਪਦਰਸਾਖਾ ਪਰਿਪੂਰੇਤਿ। ਪਬ੍ਬਤਕਨ੍ਦਰਪਦਰਸਾਖਾਪਰਿਪੂਰਾ ਕੁਸੋਬ੍ਭੇ 3 ਪਰਿਪੂਰੇਨ੍ਤਿ। ਕੁਸੋਬ੍ਭਾ ਪਰਿਪੂਰਾ ਮਹਾਸੋਬ੍ਭੇ ਪਰਿਪੂਰੇਨ੍ਤਿ। ਮਹਾਸੋਬ੍ਭਾ ਪਰਿਪੂਰਾ ਕੁਨ੍ਨਦਿਯੋ ਪਰਿਪੂਰੇਨ੍ਤਿ। ਕੁਨ੍ਨਦਿਯੋ ਪਰਿਪੂਰਾ ਮਹਾਨਦਿਯੋ ਪਰਿਪੂਰੇਨ੍ਤਿ। ਮਹਾਨਦਿਯੋ ਪਰਿਪੂਰਾ ਮਹਾਸਮੁਦ੍ਦਂ ਪਰਿਪੂਰੇਨ੍ਤਿ।
‘‘Seyyathāpi, bhikkhave, uparipabbate thullaphusitake deve vassante taṃ udakaṃ yathāninnaṃ pavattamānaṃ pabbatakandarapadarasākhā paripūreti. Pabbatakandarapadarasākhāparipūrā kusobbhe 4 paripūrenti. Kusobbhā paripūrā mahāsobbhe paripūrenti. Mahāsobbhā paripūrā kunnadiyo paripūrenti. Kunnadiyo paripūrā mahānadiyo paripūrenti. Mahānadiyo paripūrā mahāsamuddaṃ paripūrenti.
‘‘ਏવਮੇવ ਖੋ, ਭਿਕ੍ਖવੇ, ਅવਿਜ੍ਜੂਪਨਿਸਾ ਸਙ੍ਖਾਰਾ, ਸਙ੍ਖਾਰੂਪਨਿਸਂ વਿਞ੍ਞਾਣਂ, વਿਞ੍ਞਾਣੂਪਨਿਸਂ ਨਾਮਰੂਪਂ, ਨਾਮਰੂਪੂਪਨਿਸਂ ਸਲ਼ਾਯਤਨਂ, ਸਲ਼ਾਯਤਨੂਪਨਿਸੋ ਫਸ੍ਸੋ, ਫਸ੍ਸੂਪਨਿਸਾ વੇਦਨਾ, વੇਦਨੂਪਨਿਸਾ ਤਣ੍ਹਾ, ਤਣ੍ਹੂਪਨਿਸਂ ਉਪਾਦਾਨਂ, ਉਪਾਦਾਨੂਪਨਿਸੋ ਭવੋ, ਭવੂਪਨਿਸਾ ਜਾਤਿ, ਜਾਤੂਪਨਿਸਂ ਦੁਕ੍ਖਂ, ਦੁਕ੍ਖੂਪਨਿਸਾ ਸਦ੍ਧਾ, ਸਦ੍ਧੂਪਨਿਸਂ ਪਾਮੋਜ੍ਜਂ, ਪਾਮੋਜ੍ਜੂਪਨਿਸਾ ਪੀਤਿ, ਪੀਤੂਪਨਿਸਾ ਪਸ੍ਸਦ੍ਧਿ, ਪਸ੍ਸਦ੍ਧੂਪਨਿਸਂ ਸੁਖਂ, ਸੁਖੂਪਨਿਸੋ ਸਮਾਧਿ, ਸਮਾਧੂਪਨਿਸਂ ਯਥਾਭੂਤਞਾਣਦਸ੍ਸਨਂ, ਯਥਾਭੂਤਞਾਣਦਸ੍ਸਨੂਪਨਿਸਾ ਨਿਬ੍ਬਿਦਾ, ਨਿਬ੍ਬਿਦੂਪਨਿਸੋ વਿਰਾਗੋ, વਿਰਾਗੂਪਨਿਸਾ વਿਮੁਤ੍ਤਿ, વਿਮੁਤ੍ਤੂਪਨਿਸਂ ਖਯੇਞਾਣ’’ਨ੍ਤਿ। ਤਤਿਯਂ।
‘‘Evameva kho, bhikkhave, avijjūpanisā saṅkhārā, saṅkhārūpanisaṃ viññāṇaṃ, viññāṇūpanisaṃ nāmarūpaṃ, nāmarūpūpanisaṃ saḷāyatanaṃ, saḷāyatanūpaniso phasso, phassūpanisā vedanā, vedanūpanisā taṇhā, taṇhūpanisaṃ upādānaṃ, upādānūpaniso bhavo, bhavūpanisā jāti, jātūpanisaṃ dukkhaṃ, dukkhūpanisā saddhā, saddhūpanisaṃ pāmojjaṃ, pāmojjūpanisā pīti, pītūpanisā passaddhi, passaddhūpanisaṃ sukhaṃ, sukhūpaniso samādhi, samādhūpanisaṃ yathābhūtañāṇadassanaṃ, yathābhūtañāṇadassanūpanisā nibbidā, nibbidūpaniso virāgo, virāgūpanisā vimutti, vimuttūpanisaṃ khayeñāṇa’’nti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਉਪਨਿਸਸੁਤ੍ਤવਣ੍ਣਨਾ • 3. Upanisasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਉਪਨਿਸਸੁਤ੍ਤવਣ੍ਣਨਾ • 3. Upanisasuttavaṇṇanā
