| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਉਪਕ੍ਕਿਲੇਸਸੁਤ੍ਤવਣ੍ਣਨਾ
10. Upakkilesasuttavaṇṇanā
੫੦. ਦਸਮੇ ਉਪਕ੍ਕਿਲਿਟ੍ਠਭਾવਕਰਣੇਨਾਤਿ ਮਲੀਨਭਾવਕਰਣੇਨ। ਪਞ੍ਚવਿਧਾਯ ਸੁਰਾਯ ਚਤੁਬ੍ਬਿਧਸ੍ਸ ਚ ਮੇਰਯਸ੍ਸਾਤਿ ਏਤ੍ਥ ਪੂવਸੁਰਾ, ਪਿਟ੍ਠਸੁਰਾ, ਓਦਨਸੁਰਾ, ਕਿਣ੍ਣਪਕ੍ਖਿਤ੍ਤਾ, ਸਮ੍ਭਾਰਸਂਯੁਤ੍ਤਾਤਿ ਪਞ੍ਚ ਸੁਰਾ। ਪੁਪ੍ਫਾਸવੋ, ਫਲਾਸવੋ, ਮਧ੍વਾਸવੋ, ਗੁਲ਼ਾਸવੋਤਿ ਚਤ੍ਤਾਰੋ ਆਸવਾ, ਚਤੁਬ੍ਬਿਧਂ ਮੇਰਯਂ ਨਾਮ। ਤਤ੍ਥ ਪੂવੇ ਭਾਜਨੇ ਪਕ੍ਖਿਪਿਤ੍વਾ ਤਜ੍ਜਂ ਉਦਕਂ ਦਤ੍વਾ ਮਦ੍ਦਿਤ੍વਾ ਕਤਾ ਪੂવਸੁਰਾ। ਏવਂ ਸੇਸਸੁਰਾਪਿ। ਕਿਣ੍ਣਾਤਿ ਪਨ ਤਸ੍ਸਾ ਸੁਰਾਯ ਬੀਜਂ વੁਚ੍ਚਤਿ। ਯੇ ਸੁਰਾ ‘‘ਮੋਦਕਾ’’ਤਿਪਿ વੁਚ੍ਚਨ੍ਤਿ, ਤੇ ਪਕ੍ਖਿਪਿਤ੍વਾ ਕਤਾ ਕਿਣ੍ਣਪਕ੍ਖਿਤ੍ਤਾ। ਧਾਤਕਿਆਸવਾਦਿਨਾਨਾਸਮ੍ਭਾਰੇਹਿ ਸਂਯੋਜਿਤਾ ਸਮ੍ਭਾਰਸਂਯੁਤ੍ਤਾ।ਮਧੁਕਤਾਲਨਾਲ਼ਿਕੇਰਾਦਿਪੁਪ੍ਫਰਸੋ ਚਿਰਪਰਿવਾਸਿਤੋ ਪੁਪ੍ਫਾਸવੋ। ਪਨਸਾਦਿਫਲਰਸੋ ਫਲਾਸવੋ। ਮੁਦ੍ਦਿਕਾਰਸੋ ਮਧ੍વਾਸવੋ। ਉਚ੍ਛੁਰਸੋ ਗੁਲ਼ਾਸવੋ।
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
ਉਪਕ੍ਕਿਲੇਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upakkilesasuttavaṇṇanā niṭṭhitā.
ਰੋਹਿਤਸ੍ਸવਗ੍ਗવਣ੍ਣਨਾ ਨਿਟ੍ਠਿਤਾ।
Rohitassavaggavaṇṇanā niṭṭhitā.
ਪਠਮਪਣ੍ਣਾਸਕਂ ਨਿਟ੍ਠਿਤਂ।
Paṭhamapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਉਪਕ੍ਕਿਲੇਸਸੁਤ੍ਤਂ • 10. Upakkilesasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਉਪਕ੍ਕਿਲੇਸਸੁਤ੍ਤવਣ੍ਣਨਾ • 10. Upakkilesasuttavaṇṇanā
