| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೪. ನೀವರಣವಗ್ಗೋ
4. Nīvaraṇavaggo
೩-೪. ಉಪಕ್ಕಿಲೇಸಸುತ್ತಾದಿವಣ್ಣನಾ
3-4. Upakkilesasuttādivaṇṇanā
೨೧೪-೨೧೫. ಚತುತ್ಥವಗ್ಗಸ್ಸ ತತಿಯೇ ನ ಚ ಪಭಸ್ಸರನ್ತಿ ನ ಚ ಪಭಾವನ್ತಂ। ಪಭಙ್ಗು ಚಾತಿ ಪಭಿಜ್ಜನಸಭಾವಂ। ಅಯೋತಿ ಕಾಳಲೋಹಂ। ಠಪೇತ್ವಾ ಇಧ ವುತ್ತಾನಿ ಚತ್ತಾರಿ ಅವಸೇಸಂ ಲೋಹಂ ನಾಮ। ಸಜ್ಝೂತಿ ರಜತಂ। ಚಿತ್ತಸ್ಸಾತಿ ಚತುಭೂಮಕಚಿತ್ತಸ್ಸ। ಲೋಕಿಯಸ್ಸ ತಾವ ಉಪಕ್ಕಿಲೇಸೋ ಹೋತು , ಲೋಕುತ್ತರಸ್ಸ ಕಥಂ ಹೋತೀತಿ? ಉಪ್ಪಜ್ಜಿತುಂ ಅಪ್ಪದಾನೇನ। ಯದಗ್ಗೇನ ಹಿ ಉಪ್ಪಜ್ಜಿತುಂ ನ ದೇನ್ತಿ, ತದಗ್ಗೇನೇವ ತೇ ಲೋಕಿಯಸ್ಸಾಪಿ ಲೋಕುತ್ತರಸ್ಸಾಪಿ ಉಪಕ್ಕಿಲೇಸಾ ನಾಮ ಹೋನ್ತಿ। ಪಭಙ್ಗು ಚಾತಿ ಆರಮ್ಮಣೇ ಚುಣ್ಣವಿಚುಣ್ಣಭಾವೂಪಗಮನೇನ ಭಿಜ್ಜನಸಭಾವಂ। ಅನಾವರಣಾ ಅನೀವರಣಾತಿ ಕುಸಲಧಮ್ಮೇ ನ ಆವರನ್ತೀತಿ ಅನಾವರಣಾ, ನ ನೀವರನ್ತಿ ನ ಪಟಿಚ್ಛಾದೇನ್ತೀತಿ ಅನೀವರಣಾ। ಚೇತಸೋ ಅನುಪಕ್ಕಿಲೇಸಾತಿ ಚತುಭೂಮಕಚಿತ್ತಸ್ಸ ಅನುಪಕ್ಕಿಲೇಸಾ।
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೩. ಉಪಕ್ಕಿಲೇಸಸುತ್ತಂ • 3. Upakkilesasuttaṃ
೪. ಅನುಪಕ್ಕಿಲೇಸಸುತ್ತಂ • 4. Anupakkilesasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೩-೪. ಉಪಕ್ಕಿಲೇಸಸುತ್ತಾದಿವಣ್ಣನಾ • 3-4. Upakkilesasuttādivaṇṇanā
