| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. នីវរណវគ្គោ
4. Nīvaraṇavaggo
៣-៤. ឧបក្កិលេសសុត្តាទិវណ្ណនា
3-4. Upakkilesasuttādivaṇṇanā
២១៤-២១៥. ចតុត្ថវគ្គស្ស តតិយេ ន ច បភស្សរន្តិ ន ច បភាវន្តំ។ បភង្គុ ចាតិ បភិជ្ជនសភាវំ។ អយោតិ កាឡលោហំ។ ឋបេត្វា ឥធ វុត្តានិ ចត្តារិ អវសេសំ លោហំ នាម។ សជ្ឈូតិ រជតំ។ ចិត្តស្សាតិ ចតុភូមកចិត្តស្ស។ លោកិយស្ស តាវ ឧបក្កិលេសោ ហោតុ , លោកុត្តរស្ស កថំ ហោតីតិ? ឧប្បជ្ជិតុំ អប្បទានេន។ យទគ្គេន ហិ ឧប្បជ្ជិតុំ ន ទេន្តិ, តទគ្គេនេវ តេ លោកិយស្សាបិ លោកុត្តរស្សាបិ ឧបក្កិលេសា នាម ហោន្តិ។ បភង្គុ ចាតិ អារម្មណេ ចុណ្ណវិចុណ្ណភាវូបគមនេន ភិជ្ជនសភាវំ។ អនាវរណា អនីវរណាតិ កុសលធម្មេ ន អាវរន្តីតិ អនាវរណា, ន នីវរន្តិ ន បដិច្ឆាទេន្តីតិ អនីវរណា។ ចេតសោ អនុបក្កិលេសាតិ ចតុភូមកចិត្តស្ស អនុបក្កិលេសា។
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៣. ឧបក្កិលេសសុត្តំ • 3. Upakkilesasuttaṃ
៤. អនុបក្កិលេសសុត្តំ • 4. Anupakkilesasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣-៤. ឧបក្កិលេសសុត្តាទិវណ្ណនា • 3-4. Upakkilesasuttādivaṇṇanā
