| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. నీవరణవగ్గో
4. Nīvaraṇavaggo
౩-౪. ఉపక్కిలేససుత్తాదివణ్ణనా
3-4. Upakkilesasuttādivaṇṇanā
౨౧౪-౨౧౫. చతుత్థవగ్గస్స తతియే న చ పభస్సరన్తి న చ పభావన్తం. పభఙ్గు చాతి పభిజ్జనసభావం. అయోతి కాళలోహం. ఠపేత్వా ఇధ వుత్తాని చత్తారి అవసేసం లోహం నామ. సజ్ఝూతి రజతం. చిత్తస్సాతి చతుభూమకచిత్తస్స. లోకియస్స తావ ఉపక్కిలేసో హోతు , లోకుత్తరస్స కథం హోతీతి? ఉప్పజ్జితుం అప్పదానేన. యదగ్గేన హి ఉప్పజ్జితుం న దేన్తి, తదగ్గేనేవ తే లోకియస్సాపి లోకుత్తరస్సాపి ఉపక్కిలేసా నామ హోన్తి. పభఙ్గు చాతి ఆరమ్మణే చుణ్ణవిచుణ్ణభావూపగమనేన భిజ్జనసభావం. అనావరణా అనీవరణాతి కుసలధమ్మే న ఆవరన్తీతి అనావరణా, న నీవరన్తి న పటిచ్ఛాదేన్తీతి అనీవరణా. చేతసో అనుపక్కిలేసాతి చతుభూమకచిత్తస్స అనుపక్కిలేసా.
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya
౩. ఉపక్కిలేససుత్తం • 3. Upakkilesasuttaṃ
౪. అనుపక్కిలేససుత్తం • 4. Anupakkilesasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩-౪. ఉపక్కిలేససుత్తాదివణ్ణనా • 3-4. Upakkilesasuttādivaṇṇanā
