| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
15. убаж̇жхаажарияавад̇д̇анид̣̇д̣̇зсо
15. Upajjhācariyavattaniddeso
убаж̇жхаажарияавад̇д̇аанийд̇и –
Upajjhācariyavattānīti –
145.
145.
ниссааяубаж̇жхаажарияз, васамаано субзсало;
Nissāyupajjhācariye, vasamāno supesalo;
д̣̇анд̇агадтаасанам̣ д̇ояам̣, яааг̇ум̣ гаалз д̣̇ад̣̇з сад̣̇аа.
Dantakaṭṭhāsanaṃ toyaṃ, yāguṃ kāle dade sadā.
146.
146.
бад̇д̇з вад̇д̇ам̣ жарз г̇аама-ббавзсз г̇аманааг̇амз;
Patte vattaṃ care gāma-ppavese gamanāgame;
аасанз баад̣̇абийтз жа, гат̇алобааханажийварз.
Āsane pādapīṭhe ca, kathalopāhanacīvare.
147.
147.
барибхож̇анийяабаанийяа-важжаббассааватаанису ;
Paribhojanīyapānīya-vaccappassāvaṭhānisu ;
вихаарасод̇ханз вад̇д̇ам̣, буна бан̃н̃аабанз д̇ат̇аа.
Vihārasodhane vattaṃ, puna paññāpane tathā.
148.
148.
на бабподзяяа сод̇хзнд̇о, бадиваад̇з жа сан̇г̇ан̣з;
Na papphoṭeyya sodhento, paṭivāte ca saṅgaṇe;
вихаарам̣ бхигку баанийяа-сааманд̇аа саяанаасанам̣.
Vihāraṃ bhikkhu pānīya-sāmantā sayanāsanaṃ.
149.
149.
нхаанз нхаад̇асса гаад̇аб̣б̣з, ран̇г̇абаагз жа д̇хованз;
Nhāne nhātassa kātabbe, raṅgapāke ca dhovane;
сиб̣б̣анз жийварз т̇звз, раж̇анд̇о на важ̇з тид̇з.
Sibbane cīvare theve, rajanto na vaje ṭhite.
150.
150.
згажжасса анаабужчаа, бад̇д̇ам̣ ваа жийвараани ваа;
Ekaccassa anāpucchā, pattaṃ vā cīvarāni vā;
на д̣̇ад̣̇зяяа на г̇ан̣хзяяа, баригкааран̃жа гин̃жанам̣.
Na dadeyya na gaṇheyya, parikkhārañca kiñcanaṃ.
151.
151.
згажжам̣ бажчад̇о гаад̇ум̣, г̇анд̇ум̣ ваа д̇асса бажчад̇о;
Ekaccaṃ pacchato kātuṃ, gantuṃ vā tassa pacchato;
бин̣д̣абаад̇ан̃жа ниннзд̇ум̣, нийхараабзд̇умад̇д̇ано.
Piṇḍapātañca ninnetuṃ, nīharāpetumattano.
152.
152.
гижжаяам̣ баригаммам̣ ваа, гзсажчзд̣̇ан̃жа ад̇д̇ано;
Kiccayaṃ parikammaṃ vā, kesacchedañca attano;
гаараабзд̇ум̣ ва гаад̇ум̣ ваа, анаабужчаа на ваддад̇и.
Kārāpetuṃ va kātuṃ vā, anāpucchā na vaṭṭati.
153.
153.
г̇аамам̣ сусаанам̣ ниссиймам̣, д̣̇исам̣ ваа г̇анд̇умижчад̇о;
Gāmaṃ susānaṃ nissīmaṃ, disaṃ vā gantumicchato;
ад̇д̇ано гижжаяам̣ вааби, анаабужчаа на ваддад̇и.
Attano kiccayaṃ vāpi, anāpucchā na vaṭṭati.
154.
154.
уббаннам̣ арад̇им̣ д̣̇идтим̣, гуггужжам̣ ваа винод̣̇аяз;
Uppannaṃ aratiṃ diṭṭhiṃ, kukkuccaṃ vā vinodaye;
гарзяяа вааби уссуггам̣, сан̇гхааяад̇д̇зсу гаммасу.
Kareyya vāpi ussukkaṃ, saṅghāyattesu kammasu.
155.
155.
г̇илаанзсу убадтзяяа, вудтаанам̣ нзсамааг̇амз;
Gilānesu upaṭṭheyya, vuṭṭhānaṃ nesamāgame;
вад̇д̇абхзд̣̇зна саб̣б̣ад̇т̇а, анаад̣̇арзна д̣̇уггаданд̇и.
Vattabhedena sabbattha, anādarena dukkaṭanti.
