| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
22. உபாஹனநித்³தே³ஸோ
22. Upāhananiddeso
உபாஹனா சேவாதி –
Upāhanā cevāti –
175.
175.
மஜ்ஜ²தே³ஸே ந கப்பந்தி, க³ணங்க³ணூபாஹனா நவா;
Majjhadese na kappanti, gaṇaṅgaṇūpāhanā navā;
ஸப்³ப³ஸ்ஸ கப்பந்தாராமே, ஸப்³ப³த்தா²கல்லகஸ்ஸ ச.
Sabbassa kappantārāme, sabbatthākallakassa ca.
176.
176.
ஸப்³ப³னீலகஓதா³தபீதலோஹிதகண்ஹகா ;
Sabbanīlakaodātapītalohitakaṇhakā ;
மஹாரங்க³மஹானாம-ரங்க³ரத்தா சுபாஹனா.
Mahāraṅgamahānāma-raṅgarattā cupāhanā.
177.
177.
ஸப்³ப³மஞ்ஜெட்டி²கா சித்ரா, நீலபீதாதி³வத்³தி⁴கா;
Sabbamañjeṭṭhikā citrā, nīlapītādivaddhikā;
தித்திரபத்திகா மெண்ட³-அஜவிஸாணவத்³தி⁴கா.
Tittirapattikā meṇḍa-ajavisāṇavaddhikā.
178.
178.
க²ல்லப³த்³தா⁴ புடப³த்³தா⁴, தூலபுண்ணா சுபாஹனா;
Khallabaddhā puṭabaddhā, tūlapuṇṇā cupāhanā;
பாலிகு³ண்டி²மகா மோர-பிஞ்சே²ன பரிஸிப்³பி³தா.
Pāliguṇṭhimakā mora-piñchena parisibbitā.
179.
179.
விச்சி²காளிகதா ஸீஹப்³யக்³கு⁴த்³தா³ஜினதீ³பினங்;
Vicchikāḷikatā sīhabyagghuddājinadīpinaṃ;
மஜ்ஜாரகாளகோலூகசம்மேஹி ச பரிக்க²டா;
Majjārakāḷakolūkacammehi ca parikkhaṭā;
பாது³கா ஸங்கமனீயா, கோசி தா⁴ரெய்ய து³க்கடங்.
Pādukā saṅkamanīyā, koci dhāreyya dukkaṭaṃ.
180.
180.
நீலாதி³வண்ணங் ஸகலங், புஞ்சி²த்வா வேகதே³ஸகங்;
Nīlādivaṇṇaṃ sakalaṃ, puñchitvā vekadesakaṃ;
உபாஹனா வளஞ்ஜெய்ய, ஹாரெத்வா க²ல்லகாதி³கந்தி.
Upāhanā vaḷañjeyya, hāretvā khallakādikanti.
