6. Upāhanadāyakattheraapadānaṃ

20.

‘‘Ahosiṃ candano nāma, sambuddhassatrajo tadā;

Ekopāhano mayā dinno, bodhiṃ sampajja me tuvaṃ.

21.

‘‘Ekanavutito kappe, yaṃ pānadhiṃ ² dadiṃ tadā;

Duggatiṃ nābhijānāmi, upāhanassidaṃ phalaṃ.

22.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā upāhanadāyako thero imā gāthāyo abhāsitthāti.

Upāhanadāyakattherassāpadānaṃ chaṭṭhaṃ.