| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. උපාගතාසයත්ථෙරඅපදානං
9. Upāgatāsayattheraapadānaṃ
34.
34.
‘‘හිමවන්තස්ස වෙමජ්ඣෙ, සරො ආසි සුනිම්මිතො;
‘‘Himavantassa vemajjhe, saro āsi sunimmito;
තත්ථාහං රක්ඛසො ආසිං, හෙඨසීලො භයානකො.
Tatthāhaṃ rakkhaso āsiṃ, heṭhasīlo bhayānako.
35.
35.
‘‘අනුකම්පකො කාරුණිකො, විපස්සී ලොකනායකො;
‘‘Anukampako kāruṇiko, vipassī lokanāyako;
මමුද්ධරිතුකාමො සො, ආගච්ඡි මම සන්තිකං.
Mamuddharitukāmo so, āgacchi mama santikaṃ.
36.
36.
‘‘උපාගතං මහාවීරං, දෙවදෙවං නරාසභං;
‘‘Upāgataṃ mahāvīraṃ, devadevaṃ narāsabhaṃ;
ආසයා අභිනික්ඛම්ම, අවන්දිං සත්ථුනො අහං.
Āsayā abhinikkhamma, avandiṃ satthuno ahaṃ.
37.
37.
‘‘එකනවුතිතො කප්පෙ, යං වන්දිං පුරිසුත්තමං;
‘‘Ekanavutito kappe, yaṃ vandiṃ purisuttamaṃ;
දුග්ගතිං නාභිජානාමි, වන්දනාය ඉදං ඵලං.
Duggatiṃ nābhijānāmi, vandanāya idaṃ phalaṃ.
38.
38.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා උපාගතාසයො 1 ථෙරො ඉමා ගාථායො අභාසිත්ථාති.
Itthaṃ sudaṃ āyasmā upāgatāsayo 2 thero imā gāthāyo abhāsitthāti.
උපාගතාසයත්ථෙරස්සාපදානං නවමං.
Upāgatāsayattherassāpadānaṃ navamaṃ.
Footnotes:
