| Library / Tipiṭaka / တိပိဋက • Tipiṭaka / အပဒာနပာဠိ • Apadānapāḷi |
၉. ဥပာဂတာသယတ္ထေရအပဒာနံ
9. Upāgatāsayattheraapadānaṃ
၃၄.
34.
‘‘ဟိမဝန္တသ္သ ဝေမဇ္ဈေ၊ သရော အာသိ သုနိမ္မိတော။
‘‘Himavantassa vemajjhe, saro āsi sunimmito;
တတ္ထာဟံ ရက္ခသော အာသိံ၊ ဟေဌသီလော ဘယာနကော။
Tatthāhaṃ rakkhaso āsiṃ, heṭhasīlo bhayānako.
၃၅.
35.
‘‘အနုကမ္ပကော ကာရုဏိကော၊ ဝိပသ္သီ လောကနာယကော။
‘‘Anukampako kāruṇiko, vipassī lokanāyako;
မမုဒ္ဓရိတုကာမော သော၊ အာဂစ္ဆိ မမ သန္တိကံ။
Mamuddharitukāmo so, āgacchi mama santikaṃ.
၃၆.
36.
‘‘ဥပာဂတံ မဟာဝီရံ၊ ဒေဝဒေဝံ နရာသဘံ။
‘‘Upāgataṃ mahāvīraṃ, devadevaṃ narāsabhaṃ;
အာသယာ အဘိနိက္ခမ္မ၊ အဝန္ဒိံ သတ္ထုနော အဟံ။
Āsayā abhinikkhamma, avandiṃ satthuno ahaṃ.
၃၇.
37.
‘‘ဧကနဝုတိတော ကပ္ပေ၊ ယံ ဝန္ဒိံ ပုရိသုတ္တမံ။
‘‘Ekanavutito kappe, yaṃ vandiṃ purisuttamaṃ;
ဒုဂ္ဂတိံ နာဘိဇာနာမိ၊ ဝန္ဒနာယ ဣဒံ ဖလံ။
Duggatiṃ nābhijānāmi, vandanāya idaṃ phalaṃ.
၃၈.
38.
‘‘ပဋိသမ္ဘိဒာ စတသ္သော။ပေ.။ ကတံ ဗုဒ္ဓသ္သ သာသနံ’’။
‘‘Paṭisambhidā catasso…pe… kataṃ buddhassa sāsanaṃ’’.
ဣတ္ထံ သုဒံ အာယသ္မာ ဥပာဂတာသယော 1 ထေရော ဣမာ ဂာထာယော အဘာသိတ္ထာတိ။
Itthaṃ sudaṃ āyasmā upāgatāsayo 2 thero imā gāthāyo abhāsitthāti.
ဥပာဂတာသယတ္ထေရသ္သာပဒာနံ နဝမံ။
Upāgatāsayattherassāpadānaṃ navamaṃ.
Footnotes:
