| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. убааг̇ад̇аасаяад̇т̇зраабад̣̇аанам̣
9. Upāgatāsayattheraapadānaṃ
34.
34.
‘‘химаванд̇асса взмаж̇жхз, саро ааси суниммид̇о;
‘‘Himavantassa vemajjhe, saro āsi sunimmito;
д̇ад̇т̇аахам̣ рагкасо аасим̣, хзтасийло бхаяаанаго.
Tatthāhaṃ rakkhaso āsiṃ, heṭhasīlo bhayānako.
35.
35.
‘‘анугамбаго гаарун̣иго, вибассий логанааяаго;
‘‘Anukampako kāruṇiko, vipassī lokanāyako;
мамуд̣̇д̇харид̇угаамо со, ааг̇ажчи мама санд̇игам̣.
Mamuddharitukāmo so, āgacchi mama santikaṃ.
36.
36.
‘‘убааг̇ад̇ам̣ махаавийрам̣, д̣̇звад̣̇звам̣ нараасабхам̣;
‘‘Upāgataṃ mahāvīraṃ, devadevaṃ narāsabhaṃ;
аасаяаа абхинигкамма, аванд̣̇им̣ сад̇т̇уно ахам̣.
Āsayā abhinikkhamma, avandiṃ satthuno ahaṃ.
37.
37.
‘‘зганавуд̇ид̇о габбз, яам̣ ванд̣̇им̣ бурисуд̇д̇амам̣;
‘‘Ekanavutito kappe, yaṃ vandiṃ purisuttamaṃ;
д̣̇уг̇г̇ад̇им̣ наабхиж̇аанаами, ванд̣̇анааяа ид̣̇ам̣ палам̣.
Duggatiṃ nābhijānāmi, vandanāya idaṃ phalaṃ.
38.
38.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа убааг̇ад̇аасаяо 1 т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā upāgatāsayo 2 thero imā gāthāyo abhāsitthāti.
убааг̇ад̇аасаяад̇т̇зрассаабад̣̇аанам̣ навамам̣.
Upāgatāsayattherassāpadānaṃ navamaṃ.
Footnotes:
