| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. убад̣дхасуд̇д̇ам̣
2. Upaḍḍhasuttaṃ
2. звам̣ мз суд̇ам̣ – згам̣ самаяам̣ бхаг̇аваа сагязсу вихарад̇и наг̇арагам̣ наама 1 сагяаанам̣ ниг̇амо. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘убад̣дхамид̣̇ам̣, бханд̇з, б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и.
2. Evaṃ me sutaṃ – ekaṃ samayaṃ bhagavā sakyesu viharati nagarakaṃ nāma 2 sakyānaṃ nigamo. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘upaḍḍhamidaṃ, bhante, brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā’’ti.
‘‘маа хзвам̣, аананд̣̇а, маа хзвам̣, аананд̣̇а! сагаламзвид̣̇ам̣, аананд̣̇а, б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа. галяаан̣амид̇д̇ассзд̇ам̣, аананд̣̇а, бхигкуно баадиган̇кам̣ галяаан̣асахааяасса галяаан̣асамбаван̇гасса – арияам̣ адтан̇г̇игам̣ маг̇г̇ам̣ бхаавзссад̇и, арияам̣ адтан̇г̇игам̣ маг̇г̇ам̣ б̣ахулийгариссад̇и.
‘‘Mā hevaṃ, ānanda, mā hevaṃ, ānanda! Sakalamevidaṃ, ānanda, brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā. Kalyāṇamittassetaṃ, ānanda, bhikkhuno pāṭikaṅkhaṃ kalyāṇasahāyassa kalyāṇasampavaṅkassa – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati.
‘‘гат̇ан̃жаананд̣̇а, бхигку галяаан̣амид̇д̇о галяаан̣асахааяо галяаан̣асамбаван̇го арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и? ид̇хаананд̣̇а, бхигку саммаад̣̇идтим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣; саммаасан̇габбам̣ бхаавзд̇и вивзганиссид̇ам̣ …бз… саммааваажам̣ бхаавзд̇и …бз… саммаагамманд̇ам̣ бхаавзд̇и…бз… саммааааж̇ийвам̣ бхаавзд̇и…бз… саммаавааяаамам̣ бхаавзд̇и…бз… саммаасад̇им̣ бхаавзд̇и…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. звам̣ ко, аананд̣̇а, бхигку галяаан̣амид̇д̇о галяаан̣асахааяо галяаан̣асамбаван̇го арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и.
‘‘Kathañcānanda, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idhānanda, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ; sammāsaṅkappaṃ bhāveti vivekanissitaṃ …pe… sammāvācaṃ bhāveti …pe… sammākammantaṃ bhāveti…pe… sammāājīvaṃ bhāveti…pe… sammāvāyāmaṃ bhāveti…pe… sammāsatiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, ānanda, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti.
‘‘д̇ад̣̇аминаабзд̇ам̣ , аананд̣̇а, барияааязна взд̣̇ид̇аб̣б̣ам̣ яат̇аа сагаламзвид̣̇ам̣ б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа. маман̃хи, аананд̣̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и; ж̇араад̇хаммаа сад̇д̇аа ж̇арааяа баримужжанд̇и; маран̣ад̇хаммаа сад̇д̇аа маран̣зна баримужжанд̇и; согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и. иминаа ко зд̇ам̣, аананд̣̇а, барияааязна взд̣̇ид̇аб̣б̣ам̣ яат̇аа сагаламзвид̣̇ам̣ б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и. д̣̇уд̇ияам̣.
‘‘Tadamināpetaṃ , ānanda, pariyāyena veditabbaṃ yathā sakalamevidaṃ brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā. Mamañhi, ānanda, kalyāṇamittaṃ āgamma jātidhammā sattā jātiyā parimuccanti; jarādhammā sattā jarāya parimuccanti; maraṇadhammā sattā maraṇena parimuccanti; sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti. Iminā kho etaṃ, ānanda, pariyāyena veditabbaṃ yathā sakalamevidaṃ brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. авиж̇ж̇аасуд̇д̇аад̣̇иван̣н̣анаа • 1-2. Avijjāsuttādivaṇṇanā
