| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਉਪਾਦਾਪਰਿਤਸ੍ਸਨਾਸੁਤ੍ਤવਣ੍ਣਨਾ
7. Upādāparitassanāsuttavaṇṇanā
੭. ਗਹਣੇਨ ਉਪ੍ਪਨ੍ਨਂ ਪਰਿਤਸ੍ਸਨਨ੍ਤਿ ਖਨ੍ਧਪਞ੍ਚਕੇ ‘‘ਅਹਂ ਮਮਾ’’ਤਿ ਗਹਣੇਨ ਉਪ੍ਪਨ੍ਨਂ ਤਣ੍ਹਾਪਰਿਤਸ੍ਸਨਂ ਦਿਟ੍ਠਿਪਰਿਤਸ੍ਸਨਞ੍ਚ। ਅਪਰਿਤਸ੍ਸਨਨ੍ਤਿ ਪਰਿਤਸ੍ਸਨਾਭਾવਂ, ਪਰਿਤਸ੍ਸਨਪਟਿਪਕ੍ਖਂ વਾ। ਅਹੁ વਤ ਮੇਤਂ ਬਲਯੋਬ੍ਬਨਾਦਿ। ਕਮ੍ਮવਿਞ੍ਞਾਣਨ੍ਤਿ વਿਪਰਿਣਾਮਾਰਮ੍ਮਣਂ ਤਣ੍ਹਾਦਿਟ੍ਠਿਸਹਗਤਂ વਿਞ੍ਞਾਣਂ ਤਦਨੁવਤ੍ਤਿ ਚ। ਅਨੁਪਰਿવਤ੍ਤਿ ਨਾਮ ਤਂ ਆਰਮ੍ਮਣਂ ਕਤ੍વਾ ਪવਤ੍ਤਿ। ਤੇਨਾਹ ‘‘વਿਪਰਿਣਾਮਾਰਮ੍ਮਣਚਿਤ੍ਤਤੋ’’ਤਿ। ਅਕੁਸਲਧਮ੍ਮਸਮੁਪ੍ਪਾਦਾਤਿ ਤਣ੍ਹਾਯ ਅਞ੍ਞਾਕੁਸਲਧਮ੍ਮਸਮੁਪ੍ਪਾਦਾ। ਪਰਿਯਾਦਿਯਿਤ੍વਾਤਿ ਖੇਪੇਤ੍વਾ, ਤਸ੍ਸ ਪવਤ੍ਤਿਤੁਂ ਓਕਾਸਂ ਅਦਤ੍વਾ। ਸਉਤ੍ਤਾਸੋਤਿ ਤਣ੍ਹਾਦਿਟ੍ਠਿવਸੇਨ ਸਉਤ੍ਤਾਸੋ। ਗਣ੍ਹਿਤ੍વਾਤਿ ਤਣ੍ਹਾਦਿਟ੍ਠਿਗ੍ਗਾਹੇਹਿ ਗਹੇਤ੍વਾ ਤੇਸਞ੍ਚੇવ વਸੇਨ ਪਰਿਤਸ੍ਸਕੋ। ਰੂਪਭੇਦਾਨੁਪਰਿવਤ੍ਤਿ ਚਿਤ੍ਤਂ ਨ ਹੋਤਿ। વਟ੍ਟਤੀਤਿ ਸਬ੍ਬਾਕਾਰੇਨ વਤ੍ਤੁਂ ਯੁਤ੍ਤਨ੍ਤਿ ਅਤ੍ਥੋ।
7.Gahaṇenauppannaṃ paritassananti khandhapañcake ‘‘ahaṃ mamā’’ti gahaṇena uppannaṃ taṇhāparitassanaṃ diṭṭhiparitassanañca. Aparitassananti paritassanābhāvaṃ, paritassanapaṭipakkhaṃ vā. Ahu vata metaṃ balayobbanādi. Kammaviññāṇanti vipariṇāmārammaṇaṃ taṇhādiṭṭhisahagataṃ viññāṇaṃ tadanuvatti ca. Anuparivatti nāma taṃ ārammaṇaṃ katvā pavatti. Tenāha ‘‘vipariṇāmārammaṇacittato’’ti. Akusaladhammasamuppādāti taṇhāya aññākusaladhammasamuppādā. Pariyādiyitvāti khepetvā, tassa pavattituṃ okāsaṃ adatvā. Sauttāsoti taṇhādiṭṭhivasena sauttāso. Gaṇhitvāti taṇhādiṭṭhiggāhehi gahetvā tesañceva vasena paritassako. Rūpabhedānuparivatti cittaṃ na hoti. Vaṭṭatīti sabbākārena vattuṃ yuttanti attho.
ਉਪਾਦਾਪਰਿਤਸ੍ਸਨਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upādāparitassanāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਉਪਾਦਾਪਰਿਤਸ੍ਸਨਾਸੁਤ੍ਤਂ • 7. Upādāparitassanāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਉਪਾਦਾਪਰਿਤਸ੍ਸਨਾਸੁਤ੍ਤવਣ੍ਣਨਾ • 7. Upādāparitassanāsuttavaṇṇanā
