| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဥပာဒာပရိတသ္သနာသုတ္တဝဏ္ဏနာ
7. Upādāparitassanāsuttavaṇṇanā
၇. ဂဟဏေန ဥပ္ပန္နံ ပရိတသ္သနန္တိ ခန္ဓပဉ္စကေ ‘‘အဟံ မမာ’’တိ ဂဟဏေန ဥပ္ပန္နံ တဏ္ဟာပရိတသ္သနံ ဒိဋ္ဌိပရိတသ္သနဉ္စ။ အပရိတသ္သနန္တိ ပရိတသ္သနာဘာဝံ, ပရိတသ္သနပဋိပက္ခံ ဝာ။ အဟု ဝတ မေတံ ဗလယောဗ္ဗနာဒိ။ ကမ္မဝိညာဏန္တိ ဝိပရိဏာမာရမ္မဏံ တဏ္ဟာဒိဋ္ဌိသဟဂတံ ဝိညာဏံ တဒနုဝတ္တိ စ။ အနုပရိဝတ္တိ နာမ တံ အာရမ္မဏံ ကတ္ဝာ ပဝတ္တိ။ တေနာဟ ‘‘ဝိပရိဏာမာရမ္မဏစိတ္တတော’’တိ။ အကုသလဓမ္မသမုပ္ပာဒာတိ တဏ္ဟာယ အညာကုသလဓမ္မသမုပ္ပာဒာ။ ပရိယာဒိယိတ္ဝာတိ ခေပေတ္ဝာ, တသ္သ ပဝတ္တိတုံ ဩကာသံ အဒတ္ဝာ။ သဥတ္တာသောတိ တဏ္ဟာဒိဋ္ဌိဝသေန သဥတ္တာသော။ ဂဏ္ဟိတ္ဝာတိ တဏ္ဟာဒိဋ္ဌိဂ္ဂာဟေဟိ ဂဟေတ္ဝာ တေသဉ္စေဝ ဝသေန ပရိတသ္သကော။ ရူပဘေဒာနုပရိဝတ္တိ စိတ္တံ န ဟောတိ။ ဝဋ္ဋတီတိ သဗ္ဗာကာရေန ဝတ္တုံ ယုတ္တန္တိ အတ္ထော။
7.Gahaṇenauppannaṃ paritassananti khandhapañcake ‘‘ahaṃ mamā’’ti gahaṇena uppannaṃ taṇhāparitassanaṃ diṭṭhiparitassanañca. Aparitassananti paritassanābhāvaṃ, paritassanapaṭipakkhaṃ vā. Ahu vata metaṃ balayobbanādi. Kammaviññāṇanti vipariṇāmārammaṇaṃ taṇhādiṭṭhisahagataṃ viññāṇaṃ tadanuvatti ca. Anuparivatti nāma taṃ ārammaṇaṃ katvā pavatti. Tenāha ‘‘vipariṇāmārammaṇacittato’’ti. Akusaladhammasamuppādāti taṇhāya aññākusaladhammasamuppādā. Pariyādiyitvāti khepetvā, tassa pavattituṃ okāsaṃ adatvā. Sauttāsoti taṇhādiṭṭhivasena sauttāso. Gaṇhitvāti taṇhādiṭṭhiggāhehi gahetvā tesañceva vasena paritassako. Rūpabhedānuparivatti cittaṃ na hoti. Vaṭṭatīti sabbākārena vattuṃ yuttanti attho.
ဥပာဒာပရိတသ္သနာသုတ္တဝဏ္ဏနာ နိဋ္ဌိတာ။
Upādāparitassanāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဥပာဒာပရိတသ္သနာသုတ္တံ • 7. Upādāparitassanāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဥပာဒာပရိတသ္သနာသုတ္တဝဏ္ဏနာ • 7. Upādāparitassanāsuttavaṇṇanā
