| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៧. ឧបាទាបរិតស្សនាសុត្តវណ្ណនា
7. Upādāparitassanāsuttavaṇṇanā
៧. គហណេន ឧប្បន្នំ បរិតស្សនន្តិ ខន្ធបញ្ចកេ ‘‘អហំ មមា’’តិ គហណេន ឧប្បន្នំ តណ្ហាបរិតស្សនំ ទិដ្ឋិបរិតស្សនញ្ច។ អបរិតស្សនន្តិ បរិតស្សនាភាវំ, បរិតស្សនបដិបក្ខំ វា។ អហុ វត មេតំ ពលយោព្ពនាទិ។ កម្មវិញ្ញាណន្តិ វិបរិណាមារម្មណំ តណ្ហាទិដ្ឋិសហគតំ វិញ្ញាណំ តទនុវត្តិ ច។ អនុបរិវត្តិ នាម តំ អារម្មណំ កត្វា បវត្តិ។ តេនាហ ‘‘វិបរិណាមារម្មណចិត្តតោ’’តិ។ អកុសលធម្មសមុប្បាទាតិ តណ្ហាយ អញ្ញាកុសលធម្មសមុប្បាទា។ បរិយាទិយិត្វាតិ ខេបេត្វា, តស្ស បវត្តិតុំ ឱកាសំ អទត្វា។ សឧត្តាសោតិ តណ្ហាទិដ្ឋិវសេន សឧត្តាសោ។ គណ្ហិត្វាតិ តណ្ហាទិដ្ឋិគ្គាហេហិ គហេត្វា តេសញ្ចេវ វសេន បរិតស្សកោ។ រូបភេទានុបរិវត្តិ ចិត្តំ ន ហោតិ។ វដ្ដតីតិ សព្ពាការេន វត្តុំ យុត្តន្តិ អត្ថោ។
7.Gahaṇenauppannaṃ paritassananti khandhapañcake ‘‘ahaṃ mamā’’ti gahaṇena uppannaṃ taṇhāparitassanaṃ diṭṭhiparitassanañca. Aparitassananti paritassanābhāvaṃ, paritassanapaṭipakkhaṃ vā. Ahu vata metaṃ balayobbanādi. Kammaviññāṇanti vipariṇāmārammaṇaṃ taṇhādiṭṭhisahagataṃ viññāṇaṃ tadanuvatti ca. Anuparivatti nāma taṃ ārammaṇaṃ katvā pavatti. Tenāha ‘‘vipariṇāmārammaṇacittato’’ti. Akusaladhammasamuppādāti taṇhāya aññākusaladhammasamuppādā. Pariyādiyitvāti khepetvā, tassa pavattituṃ okāsaṃ adatvā. Sauttāsoti taṇhādiṭṭhivasena sauttāso. Gaṇhitvāti taṇhādiṭṭhiggāhehi gahetvā tesañceva vasena paritassako. Rūpabhedānuparivatti cittaṃ na hoti. Vaṭṭatīti sabbākārena vattuṃ yuttanti attho.
ឧបាទាបរិតស្សនាសុត្តវណ្ណនា និដ្ឋិតា។
Upādāparitassanāsuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. ឧបាទាបរិតស្សនាសុត្តំ • 7. Upādāparitassanāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ឧបាទាបរិតស្សនាសុត្តវណ្ណនា • 7. Upādāparitassanāsuttavaṇṇanā
