| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१०. उपादानियधम्मसुत्तं
10. Upādāniyadhammasuttaṃ
१२३. ‘‘उपादानिये च, भिक्खवे, धम्मे देसेस्सामि उपादानञ्च। तं सुणाथ। कतमे च, भिक्खवे, उपादानिया धम्मा, कतमञ्च उपादानं? सन्ति, भिक्खवे, चक्खुविञ्ञेय्या रूपा इट्ठा कन्ता मनापा पियरूपा कामूपसंहिता रजनीया। इमे वुच्चन्ति, भिक्खवे, उपादानिया धम्मा। यो तत्थ छन्दरागो, तं तत्थ उपादानं…पे॰… सन्ति, भिक्खवे, जिव्हाविञ्ञेय्या रसा…पे॰… सन्ति, भिक्खवे, मनोविञ्ञेय्या धम्मा इट्ठा कन्ता मनापा पियरूपा कामूपसंहिता रजनीया। इमे वुच्चन्ति, भिक्खवे, उपादानिया धम्मा। यो तत्थ छन्दरागो तं तत्थ उपादान’’न्ति। दसमं।
123. ‘‘Upādāniye ca, bhikkhave, dhamme desessāmi upādānañca. Taṃ suṇātha. Katame ca, bhikkhave, upādāniyā dhammā, katamañca upādānaṃ? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, upādāniyā dhammā. Yo tattha chandarāgo, taṃ tattha upādānaṃ…pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, upādāniyā dhammā. Yo tattha chandarāgo taṃ tattha upādāna’’nti. Dasamaṃ.
लोककामगुणवग्गो द्वादसमो।
Lokakāmaguṇavaggo dvādasamo.
तस्सुद्दानं –
Tassuddānaṃ –
मारपासेन द्वे वुत्ता, लोककामगुणेन च।
Mārapāsena dve vuttā, lokakāmaguṇena ca;
सक्को पञ्चसिखो चेव, सारिपुत्तो च राहुलो।
Sakko pañcasikho ceva, sāriputto ca rāhulo;
संयोजनं उपादानं, वग्गो तेन पवुच्चतीति॥
Saṃyojanaṃ upādānaṃ, vaggo tena pavuccatīti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ९-१०. संयोजनियधम्मसुत्तादिवण्णना • 9-10. Saṃyojaniyadhammasuttādivaṇṇanā
