| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. ཨུཔཱདཱནསུཏྟཝཎྞནཱ
2. Upādānasuttavaṇṇanā
༥༢. ཨཱརམྨཎཱདིབྷཱཝེན སཾཝཏྟནཏོ ཨུཔཱདཱནཱནཾ ཧིཏཱནི ཨུཔཱདཱནིཡཱནི, ཏེསུ ཨུཔཱདཱནིཡེསུ། ཏེནཱཧ ‘‘ཙཏུནྣཾ ཨུཔཱདཱནཱནཾ པཙྩཡེསཱུ’’ཏི། ཨསྶཱདཾ ཨནུཔསྶནྟསྶཱཏི ཨསཱདེཏབྦཾ མིཙྪཱཉཱཎེན ཨནུཔསྶཏོ། ཏདཱཧཱརོཏི སོལ༹ས ཝཱ ཝཱིསཾ ཏིཾསཾ ཙཏྟཱལཱིསཾ པཉྙཱསཾ ཝཱ ཨཱཧཱརོ པཙྩཡོ ཨེཏསྶཱཏི ཏདཱཧཱརོ། ཨགྒིཀྑནྡྷོ ཝིཡ ཏཡོ བྷཝཱ ཨེཀཱདསཧི ཨགྒཱིཧི ཨཱདིཏྟབྷཱཝཏོ ཨེཏདེཝ བྷཝཏྟཡཾ། ཨགྒི…པེ॰… པུཐུཛྫནོ ཨགྒིཀྑནྡྷསདིསསྶ བྷཝཏྟཡསྶ པརིབནྡྷནཏོ།
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
ཀམྨཊྛཱནསྶཱཏི ཝིཔསྶནཱཀམྨཊྛཱནསྶ། ཏེནཱཧ ‘‘ཏེབྷཱུམཀདྷམྨེསཱུ’’ཏི། དྷམྨཔཱསཱདནྟི ལོཀུཏྟརདྷམྨཔཱསཱདཾ། སོ ཧི ཨཙྩུགྒཏཊྛེན ‘‘པཱསཱདོ’’ཏི ཝུཙྩཏི། སཏིཔཊྛཱནམཧཱཝཱིཐིཡཾ ཕལཀྑཎེ པཝཏྟཱཡཱཏི།
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
ཨུཔཱདཱནསུཏྟཝཎྞནཱ ནིཊྛིཏཱ།
Upādānasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཨུཔཱདཱནསུཏྟཾ • 2. Upādānasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཨུཔཱདཱནསུཏྟཝཎྞནཱ • 2. Upādānasuttavaṇṇanā
