| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဥပာဒာနသုတ္တဝဏ္ဏနာ
2. Upādānasuttavaṇṇanā
၅၂. အာရမ္မဏာဒိဘာဝေန သံဝတ္တနတော ဥပာဒာနာနံ ဟိတာနိ ဥပာဒာနိယာနိ, တေသု ဥပာဒာနိယေသု။ တေနာဟ ‘‘စတုန္နံ ဥပာဒာနာနံ ပစ္စယေသူ’’တိ။ အသ္သာဒံ အနုပသ္သန္တသ္သာတိ အသာဒေတဗ္ဗံ မိစ္ဆာဉာဏေန အနုပသ္သတော။ တဒာဟာရောတိ သောဠသ ဝာ ဝီသံ တိံသံ စတ္တာလီသံ ပညာသံ ဝာ အာဟာရော ပစ္စယော ဧတသ္သာတိ တဒာဟာရော။ အဂ္ဂိက္ခန္ဓော ဝိယ တယော ဘဝာ ဧကာဒသဟိ အဂ္ဂီဟိ အာဒိတ္တဘာဝတော ဧတဒေဝ ဘဝတ္တယံ။ အဂ္ဂိ။ပေ.။ ပုထုဇ္ဇနော အဂ္ဂိက္ခန္ဓသဒိသသ္သ ဘဝတ္တယသ္သ ပရိဗန္ဓနတော။
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
ကမ္မဋ္ဌာနသ္သာတိ ဝိပသ္သနာကမ္မဋ္ဌာနသ္သ။ တေနာဟ ‘‘တေဘူမကဓမ္မေသူ’’တိ။ ဓမ္မပာသာဒန္တိ လောကုတ္တရဓမ္မပာသာဒံ။ သော ဟိ အစ္စုဂ္ဂတဋ္ဌေန ‘‘ပာသာဒော’’တိ ဝုစ္စတိ။ သတိပဋ္ဌာနမဟာဝီထိယံ ဖလက္ခဏေ ပဝတ္တာယာတိ။
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
ဥပာဒာနသုတ္တဝဏ္ဏနာ နိဋ္ဌိတာ။
Upādānasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဥပာဒာနသုတ္တံ • 2. Upādānasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဥပာဒာနသုတ္တဝဏ္ဏနာ • 2. Upādānasuttavaṇṇanā
