| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. ឧបាទានសុត្តវណ្ណនា
2. Upādānasuttavaṇṇanā
៥២. អារម្មណាទិភាវេន សំវត្តនតោ ឧបាទានានំ ហិតានិ ឧបាទានិយានិ, តេសុ ឧបាទានិយេសុ។ តេនាហ ‘‘ចតុន្នំ ឧបាទានានំ បច្ចយេសូ’’តិ។ អស្សាទំ អនុបស្សន្តស្សាតិ អសាទេតព្ពំ មិច្ឆាញាណេន អនុបស្សតោ។ តទាហារោតិ សោឡស វា វីសំ តិំសំ ចត្តាលីសំ បញ្ញាសំ វា អាហារោ បច្ចយោ ឯតស្សាតិ តទាហារោ។ អគ្គិក្ខន្ធោ វិយ តយោ ភវា ឯកាទសហិ អគ្គីហិ អាទិត្តភាវតោ ឯតទេវ ភវត្តយំ។ អគ្គិ…បេ.… បុថុជ្ជនោ អគ្គិក្ខន្ធសទិសស្ស ភវត្តយស្ស បរិពន្ធនតោ។
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
កម្មដ្ឋានស្សាតិ វិបស្សនាកម្មដ្ឋានស្ស។ តេនាហ ‘‘តេភូមកធម្មេសូ’’តិ។ ធម្មបាសាទន្តិ លោកុត្តរធម្មបាសាទំ។ សោ ហិ អច្ចុគ្គតដ្ឋេន ‘‘បាសាទោ’’តិ វុច្ចតិ។ សតិបដ្ឋានមហាវីថិយំ ផលក្ខណេ បវត្តាយាតិ។
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
ឧបាទានសុត្តវណ្ណនា និដ្ឋិតា។
Upādānasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ឧបាទានសុត្តំ • 2. Upādānasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ឧបាទានសុត្តវណ្ណនា • 2. Upādānasuttavaṇṇanā
