| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
२. उपादानसुत्तवण्णना
2. Upādānasuttavaṇṇanā
५२. आरम्मणादिभावेन संवत्तनतो उपादानानं हितानि उपादानियानि, तेसु उपादानियेसु। तेनाह ‘‘चतुन्नं उपादानानं पच्चयेसू’’ति। अस्सादं अनुपस्सन्तस्साति असादेतब्बं मिच्छाञाणेन अनुपस्सतो। तदाहारोति सोळस वा वीसं तिंसं चत्तालीसं पञ्ञासं वा आहारो पच्चयो एतस्साति तदाहारो। अग्गिक्खन्धो विय तयो भवा एकादसहि अग्गीहि आदित्तभावतो एतदेव भवत्तयं। अग्गि…पे॰… पुथुज्जनो अग्गिक्खन्धसदिसस्स भवत्तयस्स परिबन्धनतो।
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
कम्मट्ठानस्साति विपस्सनाकम्मट्ठानस्स। तेनाह ‘‘तेभूमकधम्मेसू’’ति। धम्मपासादन्ति लोकुत्तरधम्मपासादं। सो हि अच्चुग्गतट्ठेन ‘‘पासादो’’ति वुच्चति। सतिपट्ठानमहावीथियं फलक्खणे पवत्तायाति।
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
उपादानसुत्तवण्णना निट्ठिता।
Upādānasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / २. उपादानसुत्तं • 2. Upādānasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २. उपादानसुत्तवण्णना • 2. Upādānasuttavaṇṇanā
