| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. উপাদানসুত্তৰণ্ণনা
2. Upādānasuttavaṇṇanā
৫২. আরম্মণাদিভাৰেন সংৰত্তনতো উপাদানানং হিতানি উপাদানিযানি, তেসু উপাদানিযেসু। তেনাহ ‘‘চতুন্নং উপাদানানং পচ্চযেসূ’’তি। অস্সাদং অনুপস্সন্তস্সাতি অসাদেতব্বং মিচ্ছাঞাণেন অনুপস্সতো। তদাহারোতি সোল়স ৰা ৰীসং তিংসং চত্তালীসং পঞ্ঞাসং ৰা আহারো পচ্চযো এতস্সাতি তদাহারো। অগ্গিক্খন্ধো ৰিয তযো ভৰা একাদসহি অগ্গীহি আদিত্তভাৰতো এতদেৰ ভৰত্তযং। অগ্গি…পে॰… পুথুজ্জনো অগ্গিক্খন্ধসদিসস্স ভৰত্তযস্স পরিবন্ধনতো।
52. Ārammaṇādibhāvena saṃvattanato upādānānaṃ hitāni upādāniyāni, tesu upādāniyesu. Tenāha ‘‘catunnaṃ upādānānaṃ paccayesū’’ti. Assādaṃ anupassantassāti asādetabbaṃ micchāñāṇena anupassato. Tadāhāroti soḷasa vā vīsaṃ tiṃsaṃ cattālīsaṃ paññāsaṃ vā āhāro paccayo etassāti tadāhāro. Aggikkhandho viya tayo bhavā ekādasahi aggīhi ādittabhāvato etadeva bhavattayaṃ. Aggi…pe… puthujjano aggikkhandhasadisassa bhavattayassa paribandhanato.
কম্মট্ঠানস্সাতি ৰিপস্সনাকম্মট্ঠানস্স। তেনাহ ‘‘তেভূমকধম্মেসূ’’তি। ধম্মপাসাদন্তি লোকুত্তরধম্মপাসাদং। সো হি অচ্চুগ্গতট্ঠেন ‘‘পাসাদো’’তি ৰুচ্চতি। সতিপট্ঠানমহাৰীথিযং ফলক্খণে পৰত্তাযাতি।
Kammaṭṭhānassāti vipassanākammaṭṭhānassa. Tenāha ‘‘tebhūmakadhammesū’’ti. Dhammapāsādanti lokuttaradhammapāsādaṃ. So hi accuggataṭṭhena ‘‘pāsādo’’ti vuccati. Satipaṭṭhānamahāvīthiyaṃ phalakkhaṇe pavattāyāti.
উপাদানসুত্তৰণ্ণনা নিট্ঠিতা।
Upādānasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. উপাদানসুত্তং • 2. Upādānasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. উপাদানসুত্তৰণ্ণনা • 2. Upādānasuttavaṇṇanā
