| Library / Tipiṭaka / ತಿಪಿಟಕ • Tipiṭaka / ಮಿಲಿನ್ದಪಞ್ಹಪಾಳಿ • Milindapañhapāḷi |
೪. ಉಪಚಿಕಾವಗ್ಗೋ
4. Upacikāvaggo
೧. ಉಪಚಿಕಙ್ಗಪಞ್ಹೋ
1. Upacikaṅgapañho
೧. ‘‘ಭನ್ತೇ ನಾಗಸೇನ, ‘ಉಪಚಿಕಾಯ ಏಕಂ ಅಙ್ಗಂ ಗಹೇತಬ್ಬ’ನ್ತಿ ಯಂ ವದೇಸಿ, ಕತಮಂ ತಂ ಏಕಂ ಅಙ್ಗಂ ಗಹೇತಬ್ಬ’’ನ್ತಿ? ‘‘ಯಥಾ, ಮಹಾರಾಜ, ಉಪಚಿಕಾ ಉಪರಿ ಛದನಂ ಕತ್ವಾ ಅತ್ತಾನಂ ಪಿದಹಿತ್ವಾ ಗೋಚರಾಯ ಚರತಿ, ಏವಮೇವ ಖೋ, ಮಹಾರಾಜ, ಯೋಗಿನಾ ಯೋಗಾವಚರೇನ ಸೀಲಸಂವರಛದನಂ ಕತ್ವಾ ಮಾನಸಂ ಪಿದಹಿತ್ವಾ ಪಿಣ್ಡಾಯ ಚರಿತಬ್ಬಂ, ಸೀಲಸಂವರಛದನೇನ ಖೋ, ಮಹಾರಾಜ, ಯೋಗೀ ಯೋಗಾವಚರೋ ಸಬ್ಬಭಯಸಮತಿಕ್ಕನ್ತೋ ಹೋತಿ। ಇದಂ, ಮಹಾರಾಜ, ಉಪಚಿಕಾಯ ಏಕಂ ಅಙ್ಗಂ ಗಹೇತಬ್ಬಂ, ಭಾಸಿತಮ್ಪೇತಂ, ಮಹಾರಾಜ, ಥೇರೇನ ಉಪಸೇನೇನ ವಙ್ಗನ್ತಪುತ್ತೇನ –
1. ‘‘Bhante nāgasena, ‘upacikāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, upacikā upari chadanaṃ katvā attānaṃ pidahitvā gocarāya carati, evameva kho, mahārāja, yoginā yogāvacarena sīlasaṃvarachadanaṃ katvā mānasaṃ pidahitvā piṇḍāya caritabbaṃ, sīlasaṃvarachadanena kho, mahārāja, yogī yogāvacaro sabbabhayasamatikkanto hoti. Idaṃ, mahārāja, upacikāya ekaṃ aṅgaṃ gahetabbaṃ, bhāsitampetaṃ, mahārāja, therena upasenena vaṅgantaputtena –
‘‘‘ಸೀಲಸಂವರಛದನಂ, ಯೋಗೀ ಕತ್ವಾನ ಮಾನಸಂ।
‘‘‘Sīlasaṃvarachadanaṃ, yogī katvāna mānasaṃ;
ಅನುಪಲಿತ್ತೋ ಲೋಕೇನ, ಭಯಾ ಚ ಪರಿಮುಚ್ಚತೀ’’’ತಿ॥
Anupalitto lokena, bhayā ca parimuccatī’’’ti.
ಉಪಚಿಕಙ್ಗಪಞ್ಹೋ ಪಠಮೋ।
Upacikaṅgapañho paṭhamo.
