| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౫౪. ఉణ్హవలాహకసుత్తం
54. Uṇhavalāhakasuttaṃ
౬౦౩. సావత్థినిదానం . ఏకమన్తం నిసిన్నో ఖో సో భిక్ఖు భగవన్తం ఏతదవోచ – ‘‘కో ను ఖో, భన్తే, హేతు, కో పచ్చయో, యేనేకదా ఉణ్హం హోతీ’’తి? ‘‘సన్తి, భిక్ఖు, ఉణ్హవలాహకా నామ దేవా. తేసం యదా ఏవం హోతి – ‘యంనూన మయం సకాయ రతియా వసేయ్యామా’తి, తేసం తం చేతోపణిధిమన్వాయ ఉణ్హం హోతి. అయం ఖో, భిక్ఖు, హేతు, అయం పచ్చయో, యేనేకదా ఉణ్హం హోతీ’’తి. చతుపఞ్ఞాసమం.
603. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā uṇhaṃ hotī’’ti? ‘‘Santi, bhikkhu, uṇhavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya uṇhaṃ hoti. Ayaṃ kho, bhikkhu, hetu, ayaṃ paccayo, yenekadā uṇhaṃ hotī’’ti. Catupaññāsamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧౧. వలాహకసంయుత్తవణ్ణనా • 11. Valāhakasaṃyuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౧. వలాహకసంయుత్తవణ్ణనా • 11. Valāhakasaṃyuttavaṇṇanā
