| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൩. ഉന്ദൂരങ്ഗപഞ്ഹോ
3. Undūraṅgapañho
൩. ‘‘ഭന്തേ നാഗസേന, ‘ഉന്ദൂരസ്സ 1 ഏകം അങ്ഗം ഗഹേതബ്ബ’ന്തി യം വദേസി, കതമം തം ഏകം അങ്ഗം ഗഹേതബ്ബ’’ന്തി? ‘‘യഥാ, മഹാരാജ, ഉന്ദൂരോ ഇതോചിതോ ച വിചരന്തോ ആഹാരൂപാസീസകോ യേവ ചരതി, ഏവമേവ ഖോ, മഹാരാജ , യോഗിനാ യോഗാവചരേന ഇതോചിതോ ച വിചരന്തേന യോനിസോ മനസികാരൂപാസീസകേനേവ ഭവിതബ്ബം. ഇദം, മഹാരാജ, ഉന്ദൂരസ്സ ഏകം അങ്ഗം ഗഹേതബ്ബം. ഭാസിതമ്പേതം, മഹാരാജ, ഥേരേന ഉപസേനേന വങ്ഗന്തപുത്തേന –
3. ‘‘Bhante nāgasena, ‘undūrassa 2 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, undūro itocito ca vicaranto āhārūpāsīsako yeva carati, evameva kho, mahārāja , yoginā yogāvacarena itocito ca vicarantena yoniso manasikārūpāsīsakeneva bhavitabbaṃ. Idaṃ, mahārāja, undūrassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
അനോലീനോ വിഹരതി, ഉപസന്തോ സദാ സതോ’’’തി.
Anolīno viharati, upasanto sadā sato’’’ti.
ഉന്ദൂരങ്ഗപഞ്ഹോ തതിയോ.
Undūraṅgapañho tatiyo.
Footnotes:
