| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၃. ဥန္ဒူရင္ဂပဉ္ဟော
3. Undūraṅgapañho
၃. ‘‘ဘန္တေ နာဂသေန, ‘ဥန္ဒူရသ္သ 1 ဧကံ အင္ဂံ ဂဟေတဗ္ဗ’န္တိ ယံ ဝဒေသိ, ကတမံ တံ ဧကံ အင္ဂံ ဂဟေတဗ္ဗ’’န္တိ? ‘‘ယထာ, မဟာရာဇ, ဥန္ဒူရော ဣတောစိတော စ ဝိစရန္တော အာဟာရူပာသီသကော ယေဝ စရတိ, ဧဝမေဝ ခော, မဟာရာဇ , ယောဂိနာ ယောဂာဝစရေန ဣတောစိတော စ ဝိစရန္တေန ယောနိသော မနသိကာရူပာသီသကေနေဝ ဘဝိတဗ္ဗံ။ ဣဒံ, မဟာရာဇ, ဥန္ဒူရသ္သ ဧကံ အင္ဂံ ဂဟေတဗ္ဗံ။ ဘာသိတမ္ပေတံ, မဟာရာဇ, ထေရေန ဥပသေနေန ဝင္ဂန္တပုတ္တေန –
3. ‘‘Bhante nāgasena, ‘undūrassa 2 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, undūro itocito ca vicaranto āhārūpāsīsako yeva carati, evameva kho, mahārāja , yoginā yogāvacarena itocito ca vicarantena yoniso manasikārūpāsīsakeneva bhavitabbaṃ. Idaṃ, mahārāja, undūrassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
အနောလီနော ဝိဟရတိ၊ ဥပသန္တော သဒာ သတော’’’တိ။
Anolīno viharati, upasanto sadā sato’’’ti.
ဥန္ဒူရင္ဂပဉ္ဟော တတိယော။
Undūraṅgapañho tatiyo.
Footnotes:
