| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৩. উন্দূরঙ্গপঞ্হো
3. Undūraṅgapañho
৩. ‘‘ভন্তে নাগসেন, ‘উন্দূরস্স 1 একং অঙ্গং গহেতব্ব’ন্তি যং ৰদেসি, কতমং তং একং অঙ্গং গহেতব্ব’’ন্তি? ‘‘যথা, মহারাজ, উন্দূরো ইতোচিতো চ ৰিচরন্তো আহারূপাসীসকো যেৰ চরতি, এৰমেৰ খো, মহারাজ , যোগিনা যোগাৰচরেন ইতোচিতো চ ৰিচরন্তেন যোনিসো মনসিকারূপাসীসকেনেৰ ভৰিতব্বং। ইদং, মহারাজ, উন্দূরস্স একং অঙ্গং গহেতব্বং। ভাসিতম্পেতং, মহারাজ, থেরেন উপসেনেন ৰঙ্গন্তপুত্তেন –
3. ‘‘Bhante nāgasena, ‘undūrassa 2 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, undūro itocito ca vicaranto āhārūpāsīsako yeva carati, evameva kho, mahārāja , yoginā yogāvacarena itocito ca vicarantena yoniso manasikārūpāsīsakeneva bhavitabbaṃ. Idaṃ, mahārāja, undūrassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
অনোলীনো ৰিহরতি, উপসন্তো সদা সতো’’’তি॥
Anolīno viharati, upasanto sadā sato’’’ti.
উন্দূরঙ্গপঞ্হো ততিযো।
Undūraṅgapañho tatiyo.
Footnotes:
