| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
६. उम्मग्गसुत्तवण्णना
6. Ummaggasuttavaṇṇanā
१८६. छट्ठे आकड्ढीयतीति चित्तवसिको लोको तत्थ तत्थ उपकड्ढीयति। तेसंयेवेत्थ गहणं वेदितब्बन्ति ये अपरिञ्ञातवत्थुका चित्तस्स वसं गच्छन्ति, तेसंयेव गहणं। न हि परिञ्ञातक्खन्धा पहीनकिलेसा चित्तस्स वसं गच्छन्ति, चित्तं पन अत्तनो वसे वत्तेन्ति। सह सीलेनाति चारित्तवारित्तसीलेन सद्धिं। पुब्बभागपटिपदन्ति धुतङ्गमादिं कत्वा याव गोत्रभुञाणं, ताव पवत्तेतब्बं समथविपस्सनासङ्खातं सम्मापटिपदं। सेसं सुविञ्ञेय्यमेव।
186. Chaṭṭhe ākaḍḍhīyatīti cittavasiko loko tattha tattha upakaḍḍhīyati. Tesaṃyevettha gahaṇaṃ veditabbanti ye apariññātavatthukā cittassa vasaṃ gacchanti, tesaṃyeva gahaṇaṃ. Na hi pariññātakkhandhā pahīnakilesā cittassa vasaṃ gacchanti, cittaṃ pana attano vase vattenti. Saha sīlenāti cārittavārittasīlena saddhiṃ. Pubbabhāgapaṭipadanti dhutaṅgamādiṃ katvā yāva gotrabhuñāṇaṃ, tāva pavattetabbaṃ samathavipassanāsaṅkhātaṃ sammāpaṭipadaṃ. Sesaṃ suviññeyyameva.
उम्मग्गसुत्तवण्णना निट्ठिता।
Ummaggasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ६. उम्मग्गसुत्तं • 6. Ummaggasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ६. उम्मग्गसुत्तवण्णना • 6. Ummaggasuttavaṇṇanā
