5. Umāpupphiyattheraapadānaṃ

21.

‘‘Nibbute lokamahite ², āhutīnaṃ paṭiggahe;

Siddhatthamhi bhagavati, mahāthūpamaho ahu.

22.

‘‘Mahe pavattamānamhi, siddhatthassa mahesino;

Umāpupphaṃ ⁴ gahetvāna, thūpamhi abhiropayiṃ.

23.

‘‘Catunnavutito kappe, yaṃ pupphamabhiropayiṃ;

Duggatiṃ nābhijānāmi, thūpapūjāyidaṃ ⁶ phalaṃ.

24.

‘‘Ito ca navame kappe, somadevasanāmakā;

Pañcāsītisu rājāno, cakkavattī mahabbalā.

25.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā umāpupphiyo thero imā gāthāyo abhāsitthāti.

Umāpupphiyattherassāpadānaṃ pañcamaṃ.