| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๓. ปาริจฺฉตฺตกวโคฺค
3. Pāricchattakavaggo
๑. อุฬารวิมานวตฺถุ
1. Uḷāravimānavatthu
๒๘๖.
286.
‘‘อุฬาโร เต ยโส วโณฺณ, สพฺพา โอภาสเต ทิสา;
‘‘Uḷāro te yaso vaṇṇo, sabbā obhāsate disā;
นาริโย นจฺจนฺติ คายนฺติ, เทวปุตฺตา อลงฺกตาฯ
Nāriyo naccanti gāyanti, devaputtā alaṅkatā.
๒๘๗.
287.
‘‘โมเทนฺติ ปริวาเรนฺติ, ตว ปูชาย เทวเต;
‘‘Modenti parivārenti, tava pūjāya devate;
โสวณฺณานิ วิมานานิ, ตวิมานิ สุทสฺสเนฯ
Sovaṇṇāni vimānāni, tavimāni sudassane.
๒๘๘.
288.
‘‘ตุวํสิ อิสฺสรา เตสํ, สพฺพกามสมิทฺธินี;
‘‘Tuvaṃsi issarā tesaṃ, sabbakāmasamiddhinī;
อภิชาตา มหนฺตาสิ, เทวกาเย ปโมทสิ;
Abhijātā mahantāsi, devakāye pamodasi;
เทวเต ปุจฺฉิตาจิกฺข, กิสฺส กมฺมสฺสิทํ ผล’’นฺติฯ
Devate pucchitācikkha, kissa kammassidaṃ phala’’nti.
๒๘๙.
289.
‘‘อหํ มนุเสฺสสุ มนุสฺสภูตา, ปุริมาย ชาติยา มนุสฺสโลเก;
‘‘Ahaṃ manussesu manussabhūtā, purimāya jātiyā manussaloke;
ทุสฺสีลกุเล สุณิสา อโหสิํ, อสฺสเทฺธสุ กทริเยสุ อหํฯ
Dussīlakule suṇisā ahosiṃ, assaddhesu kadariyesu ahaṃ.
๒๙๐.
290.
‘‘สทฺธา สีเลน สมฺปนฺนา, สํวิภาครตา สทา;
‘‘Saddhā sīlena sampannā, saṃvibhāgaratā sadā;
ปิณฺฑาย จรมานสฺส, อปูวํ เต อทาสหํฯ
Piṇḍāya caramānassa, apūvaṃ te adāsahaṃ.
๒๙๑.
291.
‘‘ตทาหํ สสฺสุยาจิกฺขิํ, สมโณ อาคโต อิธ;
‘‘Tadāhaṃ sassuyācikkhiṃ, samaṇo āgato idha;
ตสฺส อทาสหํ ปูวํ, ปสนฺนา เสหิ ปาณิภิฯ
Tassa adāsahaṃ pūvaṃ, pasannā sehi pāṇibhi.
๒๙๒.
292.
น มํ สมฺปุจฺฉิตุํ อิจฺฉิ, สมณสฺส ททามหํฯ
Na maṃ sampucchituṃ icchi, samaṇassa dadāmahaṃ.
๒๙๓.
293.
‘‘ตโต เม สสฺสุ กุปิตา, ปหาสิ มุสเลน มํ;
‘‘Tato me sassu kupitā, pahāsi musalena maṃ;
กูฎงฺคจฺฉิ อวธิ มํ, นาสกฺขิํ ชีวิตุํ จิรํฯ
Kūṭaṅgacchi avadhi maṃ, nāsakkhiṃ jīvituṃ ciraṃ.
๒๙๔.
294.
‘‘สา อหํ กายสฺส เภทา, วิปฺปมุตฺตา ตโต จุตา;
‘‘Sā ahaṃ kāyassa bhedā, vippamuttā tato cutā;
เทวานํ ตาวติํสานํ, อุปปนฺนา สหพฺยตํฯ
Devānaṃ tāvatiṃsānaṃ, upapannā sahabyataṃ.
๒๙๕.
295.
‘‘เตน เมตาทิโส วโณฺณ…เป.…วโณฺณ จ เม สพฺพทิสา ปภาสตี’’ติฯ
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
อุฬารวิมานํ ปฐมํฯ
Uḷāravimānaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๑. อุฬารวิมานวณฺณนา • 1. Uḷāravimānavaṇṇanā
