| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៩. ឧក្ខិត្តសម្ភោគសិក្ខាបទវណ្ណនា
9. Ukkhittasambhogasikkhāpadavaṇṇanā
៤២៤. នវមេ បយោគគណនាយាតិ ទានគ្គហណប្បយោគគណនាយ។ សំវាសេ កម្មបរិយោសានវសេន, សហសេយ្យាយ ឯកស្មិំ និបន្នេ ឥតរស្ស និបជ្ជនបយោគវសេន អាបត្តិបរិច្ឆេទោ វេទិតព្ពោ។ ឯត្ថ ច បទភាជនេ ‘‘ឯកច្ឆន្នេ’’តិ អវិសេសេន វុត្តត្តា នានូបចារេបិ ឯកច្ឆន្នេ និបជ្ជន្តស្ស អាបត្តិ។ តេនេវ មាតិកាដ្ឋកថាយំ (កង្ខា. អដ្ឋ. ឧក្ខិត្តសម្ភោគសិក្ខាបទវណ្ណនា) វុត្តំ ‘‘សហ វា សេយ្យំ កប្បេយ្យាតិ នានូបចារេបិ ឯកច្ឆន្នេ និបជ្ជេយ្យា’’តិ។ បណ្ណត្តិំ អជានន្តេន អរហតាបិ កិរិយាព្យាកតចិត្តេន អាបជ្ជិតព្ពត្តា ‘‘តិចិត្ត’’ន្តិ វុត្តំ។ យំ បន កេនចិ វុត្តំ ‘‘តិចិត្តន្តិ ឯត្ថ វិបាកាព្យាកតចិត្តេន សហ វា សេយ្យំ កប្បេយ្យាតិ ឯវមត្ថោ ទដ្ឋព្ពោ, អញ្ញថា សចិត្តកត្តា សិក្ខាបទស្ស កិរិយាព្យាកតំ សន្ធាយ ន យុជ្ជតី’’តិ, តំ ន គហេតព្ពំ។ ន ហិ សចិត្តកសិក្ខាបទវីតិក្កមោ អរហតោ ន សម្ភវតិ។ តេនេវ បថវីខណនាទីសុ សចិត្តកសិក្ខាបទេសុ តិចិត្តមេវ វុត្តំ។ សេសមេត្ថ ឧត្តានមេវ។ អកតានុធម្មតា, ជាននា, សម្ភោគាទិករណន្តិ ឥមានិ បនេត្ថ តីណិ អង្គានិ។
424. Navame payogagaṇanāyāti dānaggahaṇappayogagaṇanāya. Saṃvāse kammapariyosānavasena, sahaseyyāya ekasmiṃ nipanne itarassa nipajjanapayogavasena āpattiparicchedo veditabbo. Ettha ca padabhājane ‘‘ekacchanne’’ti avisesena vuttattā nānūpacārepi ekacchanne nipajjantassa āpatti. Teneva mātikāṭṭhakathāyaṃ (kaṅkhā. aṭṭha. ukkhittasambhogasikkhāpadavaṇṇanā) vuttaṃ ‘‘saha vā seyyaṃ kappeyyāti nānūpacārepi ekacchanne nipajjeyyā’’ti. Paṇṇattiṃ ajānantena arahatāpi kiriyābyākatacittena āpajjitabbattā ‘‘ticitta’’nti vuttaṃ. Yaṃ pana kenaci vuttaṃ ‘‘ticittanti ettha vipākābyākatacittena saha vā seyyaṃ kappeyyāti evamattho daṭṭhabbo, aññathā sacittakattā sikkhāpadassa kiriyābyākataṃ sandhāya na yujjatī’’ti, taṃ na gahetabbaṃ. Na hi sacittakasikkhāpadavītikkamo arahato na sambhavati. Teneva pathavīkhaṇanādīsu sacittakasikkhāpadesu ticittameva vuttaṃ. Sesamettha uttānameva. Akatānudhammatā, jānanā, sambhogādikaraṇanti imāni panettha tīṇi aṅgāni.
ឧក្ខិត្តសម្ភោគសិក្ខាបទវណ្ណនា និដ្ឋិតា។
Ukkhittasambhogasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៧. សប្បាណកវគ្គោ • 7. Sappāṇakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៩. ឧក្ខិត្តសម្ភោគសិក្ខាបទវណ្ណនា • 9. Ukkhittasambhogasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៩. ឧក្ខិត្តសម្ភោគសិក្ខាបទវណ្ណនា • 9. Ukkhittasambhogasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៩. ឧក្ខិត្តសម្ភោគសិក្ខាបទំ • 9. Ukkhittasambhogasikkhāpadaṃ
