| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
९. उक्खित्तसम्भोगसिक्खापदवण्णना
9. Ukkhittasambhogasikkhāpadavaṇṇanā
‘‘तं दिट्ठिं अप्पटिनिस्सट्ठेनाति लद्धिनानासंवासकं सन्धाया’’ति लिखितं। तिचित्तन्ति एत्थ विपाकाब्याकतचित्तेन सहसेय्यं कप्पेय्याति एवमत्थो दट्ठब्बो। अञ्ञथा सचित्तकत्ता सिक्खापदस्स किरियाब्याकतं सन्धाय न युज्जति।
‘‘Taṃdiṭṭhiṃ appaṭinissaṭṭhenāti laddhinānāsaṃvāsakaṃ sandhāyā’’ti likhitaṃ. Ticittanti ettha vipākābyākatacittena sahaseyyaṃ kappeyyāti evamattho daṭṭhabbo. Aññathā sacittakattā sikkhāpadassa kiriyābyākataṃ sandhāya na yujjati.
उक्खित्तसम्भोगसिक्खापदवण्णना निट्ठिता।
Ukkhittasambhogasikkhāpadavaṇṇanā niṭṭhitā.
