| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
༣. ཨུཛ྄ཛྷཱཔནཀསིཀྑཱཔདཝཎྞནཱ
3. Ujjhāpanakasikkhāpadavaṇṇanā
༡༠༣. ཏཏིཡེ ཙིནྟཱཡནཏྠསྶ ཛྷེ-དྷཱཏུསྶ ཨནེཀཏྠཏཱཡ ཨོལོཀནཏྠསམྦྷཝཏོ ཝུཏྟཾ ‘‘ཨོལོཀཱཔེནྟཱི’’ཏི། ཚནྡཱཡཱཏི ལིངྒཝིཔལླཱསོཏི ཨཱཧ ‘‘ཚནྡེནཱ’’ཏི།
103. Tatiye cintāyanatthassa jhe-dhātussa anekatthatāya olokanatthasambhavato vuttaṃ ‘‘olokāpentī’’ti. Chandāyāti liṅgavipallāsoti āha ‘‘chandenā’’ti.
༡༠༥. བྷིཀྑུཾ ལཱམཀཏོ ཙིནྟཱཔནཏྠཾ ཨཉྙེསཾ ཏཾ ཨཝཎྞཀཐནཾ ཨུཛ྄ཛྷཱཔནཾ ནཱམ། ཨཉྙེསཾ པན ཨཝཏྭཱ ཨཉྙམཉྙཾ སམུལླཔནཝསེན བྷིཀྑུནོ དོསཔྤཀཱསནཾ ཁིཡྻནཾ ནཱམཱཏི ཨཡམེཏེསཾ བྷེདོ།
105. Bhikkhuṃ lāmakato cintāpanatthaṃ aññesaṃ taṃ avaṇṇakathanaṃ ujjhāpanaṃ nāma. Aññesaṃ pana avatvā aññamaññaṃ samullapanavasena bhikkhuno dosappakāsanaṃ khiyyanaṃ nāmāti ayametesaṃ bhedo.
༡༠༦. ཨཉྙཾ ཨནུཔསམྤནྣཾ ཨུཛ྄ཛྷཱཔེཏཱིཏི ཨཉྙེན ཨནུཔསམྤནྣེན ཨུཛ྄ཛྷཱཔེཏི། ཏསྶ ཝཱ ཏཾ སནྟིཀེཏི ཏསྶ ཨནུཔསམྤནྣསྶ སནྟིཀེ ཏཾ སངྒྷེན སམྨཏཾ ཨུཔསམྤནྣཾ ཁིཡྻཏི། ཨིདྷཱཔི མུསཱཝཱདེན ཨུཛ྄ཛྷཱཔནཱདཱིནཾ སམྦྷཝཏོ དུཀྐཊཊྛཱནཱནི ཙ ཨཱདིཀམྨིཀསྶ ཨནཱཔཏྟི ཙ ཨིམིནཱ ཨེཝ སིཀྑཱཔདེན ཝུཏྟཱཏི ཝེདིཏབྦཾ སབྦཏྠ མུསཱཝཱདཔཱཙིཏྟིཡསྶ ཨནིཝཏྟིཏོ། དྷམྨཀམྨེན སམྨཏཏཱ, ཨུཔསམྤནྣཏཱ, ཨགཏིགམནཱབྷཱཝོ, ཏསྶ ཨཝཎྞཀཱམཏཱ, ཡསྶ སནྟིཀེ ཝདཏི། ཏསྶ ཨུཔསམྤནྣཏཱ, ཨུཛ྄ཛྷཱཔནཾ ཝཱ ཁིཡྻནཾ ཝཱཏི ཨིམཱནེཏྠ ཚ ཨངྒཱནི།
106.Aññaṃ anupasampannaṃ ujjhāpetīti aññena anupasampannena ujjhāpeti. Tassa vā taṃ santiketi tassa anupasampannassa santike taṃ saṅghena sammataṃ upasampannaṃ khiyyati. Idhāpi musāvādena ujjhāpanādīnaṃ sambhavato dukkaṭaṭṭhānāni ca ādikammikassa anāpatti ca iminā eva sikkhāpadena vuttāti veditabbaṃ sabbattha musāvādapācittiyassa anivattito. Dhammakammena sammatatā, upasampannatā, agatigamanābhāvo, tassa avaṇṇakāmatā, yassa santike vadati. Tassa upasampannatā, ujjhāpanaṃ vā khiyyanaṃ vāti imānettha cha aṅgāni.
ཨུཛ྄ཛྷཱཔནཀསིཀྑཱཔདཝཎྞནཱ ནིཊྛིཏཱ།
Ujjhāpanakasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. བྷཱུཏགཱམཝགྒོ • 2. Bhūtagāmavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༣. ཨུཛ྄ཛྷཱཔནཀསིཀྑཱཔདཝཎྞནཱ • 3. Ujjhāpanakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ཨུཛ྄ཛྷཱཔནཀསིཀྑཱཔདཝཎྞནཱ • 3. Ujjhāpanakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༣. ཨུཛ྄ཛྷཱཔནཀསིཀྑཱཔདཝཎྞནཱ • 3. Ujjhāpanakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣. ཨུཛ྄ཛྷཱཔནཀསིཀྑཱཔདཾ • 3. Ujjhāpanakasikkhāpadaṃ
