| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. уж̇жхаанасан̃н̃исуд̇д̇аван̣н̣анаа
5. Ujjhānasaññisuttavaṇṇanā
35. бан̃жамз уж̇жхаанасан̃н̃игаад̇и уж̇жхаанасан̃н̃ий д̣̇звалого наама баадиязгго над̇т̇и, имаа бана д̣̇звад̇аа д̇ат̇ааг̇ад̇асса жад̇убажжаяабарибхог̇ам̣ ниссааяа уж̇жхааяамаанаа ааг̇ад̇аа. д̇аасам̣ гира звам̣ ахоси – ‘‘саман̣о г̇од̇амо бхигкуунам̣ бам̣сугуулажийвара-бин̣д̣ияаалоба-ругкамууласзнаасанабууд̇имуд̇д̇абхзсаж̇ж̇зхи санд̇осассзва барияанд̇агаарид̇ам̣ ван̣н̣зд̇и, саяам̣ бана бад̇д̇ун̣н̣ад̣̇угуула комаад̣̇ийни бан̣ийд̇ажийвараани д̇хаарзд̇и, рааж̇аарахам̣ уд̇д̇амам̣ бхож̇анам̣ бхун̃ж̇ад̇и, д̣̇звавимаанагаббааяа г̇анд̇хагудияаа варасаяанз саяад̇и, саббинаванийд̇аад̣̇ийни бхзсаж̇ж̇аани бадисзвад̇и, д̣̇ивасам̣ махааж̇анасса д̇хаммам̣ д̣̇зсзд̇и, важанамасса ан̃н̃ад̇о г̇ажчад̇и, гирияаа ан̃н̃ад̇о’’д̇и уж̇жхааяамаанаа ааг̇амим̣су. д̇зна д̇аасам̣ д̇хаммасан̇г̇аахагад̇т̇зрзхи ‘‘уж̇жхаанасан̃н̃игаа’’д̇и наамам̣ г̇ахид̇ам̣.
35. Pañcame ujjhānasaññikāti ujjhānasaññī devaloko nāma pāṭiyekko natthi, imā pana devatā tathāgatassa catupaccayaparibhogaṃ nissāya ujjhāyamānā āgatā. Tāsaṃ kira evaṃ ahosi – ‘‘samaṇo gotamo bhikkhūnaṃ paṃsukūlacīvara-piṇḍiyālopa-rukkhamūlasenāsanapūtimuttabhesajjehi santosasseva pariyantakāritaṃ vaṇṇeti, sayaṃ pana pattuṇṇadukūla khomādīni paṇītacīvarāni dhāreti, rājārahaṃ uttamaṃ bhojanaṃ bhuñjati, devavimānakappāya gandhakuṭiyā varasayane sayati, sappinavanītādīni bhesajjāni paṭisevati, divasaṃ mahājanassa dhammaṃ deseti, vacanamassa aññato gacchati, kiriyā aññato’’ti ujjhāyamānā āgamiṃsu. Tena tāsaṃ dhammasaṅgāhakattherehi ‘‘ujjhānasaññikā’’ti nāmaṃ gahitaṃ.
ан̃н̃ат̇аа санд̇анд̇и ан̃н̃знаагаарзна бхууд̇ам̣. нигажжаад̇и нигад̇ияаа ван̃жанааяа, ван̃жзд̇ваад̇и ад̇т̇о. гид̇авассзваад̇и гид̇аво вужжад̇и саагун̣иго. со хи аг̇умб̣ова самаано саакабан̣н̣аад̣̇ибадижчаад̣̇анзна г̇умб̣аван̣н̣ам̣ д̣̇ассзд̇ваа убаг̇ад̇з морад̇ид̇д̇ираад̣̇аяо сагун̣з маарзд̇ваа д̣̇аарабхаран̣ам̣ гарод̇и. ид̇и д̇асса гид̇авасса имааяа ван̃жанааяа звам̣ ван̃жзд̇ваа сагун̣амам̣сабхож̇анам̣ вияа гухагассааби бам̣сугуулзна ад̇д̇аанам̣ бадижчаад̣̇зд̇ваа гат̇аачзгад̇ааяа махааж̇анам̣ ван̃жзд̇ваа каад̣̇амаанасса вижарад̇о. бхуд̇д̇ам̣ т̇зяязна д̇асса д̇анд̇и саб̣б̣оби д̇асса жад̇убажжаяабарибхог̇о т̇зяязна барибхуд̇д̇о наама ход̇ийд̇и д̣̇звад̇аа бхаг̇аванд̇ам̣ санд̇хааяа вад̣̇ад̇и. бариж̇аананд̇и бан̣д̣ид̇аад̇и аяам̣ гаараго ваа агаараго ваад̇и бан̣д̣ид̇аа ж̇аананд̇и. ид̇и д̇аа д̣̇звад̇аа ‘‘д̇ат̇ааг̇ад̇ааби маяамзва бан̣д̣ид̇аа’’д̇и ман̃н̃амаанаа звамаахам̣су.
Aññathā santanti aññenākārena bhūtaṃ. Nikaccāti nikatiyā vañcanāya, vañcetvāti attho. Kitavassevāti kitavo vuccati sākuṇiko. So hi agumbova samāno sākhapaṇṇādipaṭicchādanena gumbavaṇṇaṃ dassetvā upagate moratittirādayo sakuṇe māretvā dārabharaṇaṃ karoti. Iti tassa kitavassa imāya vañcanāya evaṃ vañcetvā sakuṇamaṃsabhojanaṃ viya kuhakassāpi paṃsukūlena attānaṃ paṭicchādetvā kathāchekatāya mahājanaṃ vañcetvā khādamānassa vicarato. Bhuttaṃ theyyena tassa tanti sabbopi tassa catupaccayaparibhogo theyyena paribhutto nāma hotīti devatā bhagavantaṃ sandhāya vadati. Parijānanti paṇḍitāti ayaṃ kārako vā akārako vāti paṇḍitā jānanti. Iti tā devatā ‘‘tathāgatāpi mayameva paṇḍitā’’ti maññamānā evamāhaṃsu.
ат̇а бхаг̇аваа наяид̣̇анд̇иаад̣̇имааха. д̇ад̇т̇а яааяам̣ бадибад̣̇аа д̣̇ал̣хаад̇и аяам̣ д̇хаммаануд̇хаммабадибад̣̇аа д̣̇ал̣хаа т̇ираа. яааяа бадибад̣̇ааяа д̇хийраа бан̣д̣ид̇аа аарамман̣уубаниж̇жхаанзна лагкан̣уубаниж̇жхаанзна жаад̇и д̣̇вийхи жхаанзхи жхааяино маараб̣анд̇ханаа бамужжанд̇и, д̇ам̣ бадибад̣̇ам̣ бхаасид̇амад̇д̇зна ваа саванамад̇д̇зна ваа оггамид̇ум̣ бадибаж̇ж̇ид̇ум̣ на саггаад̇и ад̇т̇о. на вз д̇хийраа багуб̣б̣анд̇ийд̇и д̇хийраа бан̣д̣ид̇аа вид̣̇ид̇ваа логабарияааяам̣ сан̇кааралогасса уд̣̇аяаб̣б̣аяам̣ н̃ад̇ваа жад̇усажжад̇хамман̃жа ан̃н̃ааяа гилзсаниб̣б̣аанзна ниб̣б̣уд̇аа логз висад̇д̇игам̣ д̇ин̣н̣аа звам̣ на губ̣б̣анд̇и, маяам̣ зваруубаани на гат̇змаад̇и ад̇т̇о.
Atha bhagavā nayidantiādimāha. Tattha yāyaṃ paṭipadā daḷhāti ayaṃ dhammānudhammapaṭipadā daḷhā thirā. Yāya paṭipadāya dhīrā paṇḍitā ārammaṇūpanijjhānena lakkhaṇūpanijjhānena cāti dvīhi jhānehi jhāyino mārabandhanā pamuccanti, taṃ paṭipadaṃ bhāsitamattena vā savanamattena vā okkamituṃ paṭipajjituṃ na sakkāti attho. Na ve dhīrā pakubbantīti dhīrā paṇḍitā viditvā lokapariyāyaṃ saṅkhāralokassa udayabbayaṃ ñatvā catusaccadhammañca aññāya kilesanibbānena nibbutā loke visattikaṃ tiṇṇā evaṃ na kubbanti, mayaṃ evarūpāni na kathemāti attho.
бат̇авияам̣ бад̇идтахид̇ваад̇и ‘‘аяуд̇д̇ам̣ амхзхи гад̇ам̣, агаарагамзва маяам̣ гаарагаваад̣̇зна самуд̣̇аажаримхаа’’д̇и лаж̇ж̇амаанаа махааб̣рахмани вияа бхаг̇авад̇и г̇ааравам̣ бажжубадтабзд̇ваа аг̇г̇игканд̇хам̣ вияа бхаг̇аванд̇ам̣ д̣̇ураасад̣̇ам̣ гад̇ваа бассамаанаа аагаасад̇о од̇арид̇ваа бхуумияам̣ тад̇ваад̇и ад̇т̇о. ажжаяод̇и абараад̇хо. но, бханд̇з, ажжааг̇амаад̇и амхз ад̇иггамма абхибхавид̇ваа бавад̇д̇о. аасаад̣̇зд̇аб̣б̣анд̇и гхаддаяид̇аб̣б̣ам̣. д̇аа гира д̣̇звад̇аа бхаг̇аванд̇ам̣ гааязна ваажааяаад̇и д̣̇вийхиби гхаддаяим̣су. д̇ат̇ааг̇ад̇ам̣ аванд̣̇ид̇ваа аагаасз бад̇идтамаанаа гааязна гхаддаяим̣су, гид̇авобамам̣ аахарид̇ваа наанаббагаарагам̣ асаб̣бхиваад̣̇ам̣ вад̣̇амаанаа ваажааяа гхаддаяим̣су. д̇асмаа аасаад̣̇зд̇аб̣б̣ам̣ аман̃н̃имхаад̇и аахам̣су. бадиг̇г̇ан̣хаад̇ууд̇и камад̇у. ааяад̇им̣ сам̣варааяаад̇и анааг̇ад̇з сам̣варан̣ад̇т̇ааяа, буна зваруубасса абараад̇хасса д̣̇осасса агаран̣ад̇т̇ааяа.
Pathaviyaṃ patiṭṭhahitvāti ‘‘ayuttaṃ amhehi kataṃ, akārakameva mayaṃ kārakavādena samudācarimhā’’ti lajjamānā mahābrahmani viya bhagavati gāravaṃ paccupaṭṭhapetvā aggikkhandhaṃ viya bhagavantaṃ durāsadaṃ katvā passamānā ākāsato otaritvā bhūmiyaṃ ṭhatvāti attho. Accayoti aparādho. No, bhante, accāgamāti amhe atikkamma abhibhavitvā pavatto. Āsādetabbanti ghaṭṭayitabbaṃ. Tā kira devatā bhagavantaṃ kāyena vācāyāti dvīhipi ghaṭṭayiṃsu. Tathāgataṃ avanditvā ākāse patiṭṭhamānā kāyena ghaṭṭayiṃsu, kitavopamaṃ āharitvā nānappakārakaṃ asabbhivādaṃ vadamānā vācāya ghaṭṭayiṃsu. Tasmā āsādetabbaṃ amaññimhāti āhaṃsu. Paṭiggaṇhātūti khamatu. Āyatiṃ saṃvarāyāti anāgate saṃvaraṇatthāya, puna evarūpassa aparādhassa dosassa akaraṇatthāya.
сид̇ам̣ баад̇ваагаасийд̇и аг̇г̇ад̣̇анд̇з д̣̇ассзнд̇о бахадтаагаарам̣ д̣̇ассзси. гасмаа? д̇аа гира д̣̇звад̇аа на сабхаавзна камаабзнд̇и, логияамахааж̇анан̃жа сад̣̇звагз логз аг̇г̇абуг̇г̇алам̣ д̇ат̇ааг̇ад̇ан̃жа згасад̣̇исам̣ гаронд̇и. ат̇а бхаг̇аваа ‘‘барад̇о гат̇ааяа уббаннааяа б̣уд̣̇д̇хаб̣алам̣ д̣̇ийбзд̇ваа бажчаа камиссаамий’’д̇и сид̇ам̣ баад̇ваагааси. бхияяосо мад̇д̇ааяаад̇и ад̇ирзгаббамаан̣зна. имам̣ г̇аат̇ам̣ абхаасийд̇и губид̇о зса амхааганд̇и ман̃н̃амаанаа абхааси.
Sitaṃpātvākāsīti aggadante dassento pahaṭṭhākāraṃ dassesi. Kasmā? Tā kira devatā na sabhāvena khamāpenti, lokiyamahājanañca sadevake loke aggapuggalaṃ tathāgatañca ekasadisaṃ karonti. Atha bhagavā ‘‘parato kathāya uppannāya buddhabalaṃ dīpetvā pacchā khamissāmī’’ti sitaṃ pātvākāsi. Bhiyyoso mattāyāti atirekappamāṇena. Imaṃ gāthaṃ abhāsīti kupito esa amhākanti maññamānā abhāsi.
на бадиг̇ан̣хад̇ийд̇и на камад̇и наад̇хиваасзд̇и. гобанд̇арод̇и аб̣бханд̇арз уббаннагобо. д̣̇осаг̇арууд̇и д̣̇осам̣ г̇арум̣ гад̇ваа аад̣̇ааяа вихаранд̇о. са взрам̣ бадимун̃жад̇ийд̇и со зваруубо г̇ан̣тигам̣ бадимун̃жанд̇о вияа д̇ам̣ взрам̣ ад̇д̇ани бадимун̃жад̇и табзд̇и, на бадиниссаж̇ж̇ад̇ийд̇и ад̇т̇о. ажжаяо жз на виж̇ж̇зт̇аад̇и сажз ажжааяигагаммам̣ на бхавзяяа. но жид̇хаабаг̇ад̇ам̣ сияаад̇и яад̣̇и абараад̇хо наама на бхаавзяяа. гзнийд̇ха гусало сияаад̇и яад̣̇и взраани на саммзяяум̣, гзна гааран̣зна гусало бхавзяяа.
Na paṭigaṇhatīti na khamati nādhivāseti. Kopantaroti abbhantare uppannakopo. Dosagarūti dosaṃ garuṃ katvā ādāya viharanto. Sa veraṃ paṭimuñcatīti so evarūpo gaṇṭhikaṃ paṭimuñcanto viya taṃ veraṃ attani paṭimuñcati ṭhapeti, na paṭinissajjatīti attho. Accayo ce na vijjethāti sace accāyikakammaṃ na bhaveyya. No cidhāpagataṃ siyāti yadi aparādho nāma na bhāveyya. Kenīdha kusalo siyāti yadi verāni na sammeyyuṃ, kena kāraṇena kusalo bhaveyya.
гассажжаяаад̇и г̇аат̇ааяа гасса ад̇иггамо над̇т̇и? гасса абараад̇хо над̇т̇и? го саммохам̣ наабаж̇ж̇ад̇и? го нижжамзва бан̣д̣ид̇о наамаад̇и ад̇т̇о? имам̣ гира г̇аат̇ам̣ бхан̣аабанад̇т̇ам̣ бхаг̇авад̇о сид̇абаад̇угаммам̣. д̇асмаа ид̣̇аани д̣̇звад̇аанам̣ б̣уд̣̇д̇хаб̣алам̣ д̣̇ийбзд̇ваа камиссаамийд̇и д̇ат̇ааг̇ад̇асса б̣уд̣̇д̇хассаад̇иаад̣̇имааха. д̇ад̇т̇а д̇ат̇ааг̇ад̇ассаад̇и д̇ат̇аа ааг̇ад̇од̇и звамаад̣̇ийхи гааран̣зхи д̇ат̇ааг̇ад̇асса. б̣уд̣̇д̇хассаад̇и жад̇уннам̣ сажжаанам̣ б̣уд̣̇д̇хад̇д̇аад̣̇ийхи гааран̣зхи вимогканд̇игабан̣н̣ад̇д̇ивасзна звам̣ лад̣̇д̇ханаамасса. ажжаяам̣ д̣̇зсаяанд̇ийнанд̇и яам̣ вуд̇д̇ам̣ д̇умхзхи ‘‘ажжаяам̣ д̣̇зсаяанд̇ийнам̣…бз… са взрам̣ бадимун̃жад̇ий’’д̇и, д̇ам̣ саад̇ху вуд̇д̇ам̣, ахам̣ бана д̇ам̣ взрам̣ наабхинанд̣̇аами на бад̇т̇аяаамийд̇и ад̇т̇о. бадиг̇г̇ан̣хаами вожжаяанд̇и д̇умхаагам̣ абараад̇хам̣ камаамийд̇и. бан̃жамам̣.
Kassaccayāti gāthāya kassa atikkamo natthi? Kassa aparādho natthi? Ko sammohaṃ nāpajjati? Ko niccameva paṇḍito nāmāti attho? Imaṃ kira gāthaṃ bhaṇāpanatthaṃ bhagavato sitapātukammaṃ. Tasmā idāni devatānaṃ buddhabalaṃ dīpetvā khamissāmīti tathāgatassa buddhassātiādimāha. Tattha tathāgatassāti tathā āgatoti evamādīhi kāraṇehi tathāgatassa. Buddhassāti catunnaṃ saccānaṃ buddhattādīhi kāraṇehi vimokkhantikapaṇṇattivasena evaṃ laddhanāmassa. Accayaṃ desayantīnanti yaṃ vuttaṃ tumhehi ‘‘accayaṃ desayantīnaṃ…pe… sa veraṃ paṭimuñcatī’’ti, taṃ sādhu vuttaṃ, ahaṃ pana taṃ veraṃ nābhinandāmi na patthayāmīti attho. Paṭiggaṇhāmi voccayanti tumhākaṃ aparādhaṃ khamāmīti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. уж̇жхаанасан̃н̃исуд̇д̇ам̣ • 5. Ujjhānasaññisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. уж̇жхаанасан̃н̃исуд̇д̇аван̣н̣анаа • 5. Ujjhānasaññisuttavaṇṇanā
