| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
൨. ഉജ്ജഗ്ഘികവഗ്ഗവണ്ണനാ
2. Ujjagghikavaggavaṇṇanā
൫൮൬. ഹസനീയസ്മിന്തി ഹേത്വത്ഥേ ഭുമ്മം, ഹസിതബ്ബവത്ഥുകാരണാതി അത്ഥോ. അന്തരഘരേ ഉച്ചാസദ്ദേന അനുമോദനാദിം കരോന്തസ്സ അനാപത്തി കിര. തഥാ ഹി മഹിന്ദത്ഥേരോപി ഹത്ഥിസാലാദീസു മഹാജനസ്സ കഥേസി.
586.Hasanīyasminti hetvatthe bhummaṃ, hasitabbavatthukāraṇāti attho. Antaraghare uccāsaddena anumodanādiṃ karontassa anāpatti kira. Tathā hi mahindattheropi hatthisālādīsu mahājanassa kathesi.
൫൯൧. കേചി ഭിക്ഖൂ ‘‘പരിക്ഖാരട്ഠപനമത്തേന വാസൂപഗതോ ഹോതീ’’തി വദന്തി, തം തേസം മതിമത്തമേവ. ഭിക്ഖുനിയോ ചേ വാസൂപഗാ ഹോന്തി, ഭിക്ഖുനുപസ്സയോവ കപ്പിയഭൂമി. ‘‘യത്ഥ ഭിക്ഖുനിയോ ഏകരത്തമ്പി വസന്തി, അയം ഭിക്ഖുനുപസ്സയോ’’തി (പാചി॰ ൧൬൧) വചനതോ താസം സമീപം വാ താഹി ഗഹിതവാസാഗാരം വാ ‘‘ഗച്ഛാമീ’’തി ഗച്ഛതോ യഥാസുഖം ഗന്തും വട്ടതി. ന ഹി താവതാ തം ഘരം അന്തരഘരസങ്ഖ്യം ഗച്ഛതീതി നോ തക്കോതി ആചരിയോ.
591. Keci bhikkhū ‘‘parikkhāraṭṭhapanamattena vāsūpagato hotī’’ti vadanti, taṃ tesaṃ matimattameva. Bhikkhuniyo ce vāsūpagā honti, bhikkhunupassayova kappiyabhūmi. ‘‘Yattha bhikkhuniyo ekarattampi vasanti, ayaṃ bhikkhunupassayo’’ti (pāci. 161) vacanato tāsaṃ samīpaṃ vā tāhi gahitavāsāgāraṃ vā ‘‘gacchāmī’’ti gacchato yathāsukhaṃ gantuṃ vaṭṭati. Na hi tāvatā taṃ gharaṃ antaragharasaṅkhyaṃ gacchatīti no takkoti ācariyo.
ഉജ്ജഗ്ഘികവഗ്ഗവണ്ണനാ നിട്ഠിതാ.
Ujjagghikavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൨. ഉജ്ജഗ്ഘികവഗ്ഗോ • 2. Ujjagghikavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൨. ഉജ്ജഗ്ഘികവഗ്ഗവണ്ണനാ • 2. Ujjagghikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൨. ഉജ്ജഗ്ഘികവഗ്ഗവണ്ണനാ • 2. Ujjagghikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൨. ഉജ്ജഗ്ഘികവഗ്ഗവണ്ണനാ • 2. Ujjagghikavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨. ഉജ്ജഗ്ഘികവഗ്ഗ-അത്ഥയോജനാ • 2. Ujjagghikavagga-atthayojanā
