| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৩. উগ্ঘটিতঞ্ঞূসুত্তৰণ্ণনা
3. Ugghaṭitaññūsuttavaṇṇanā
১৩৩. ততিযে চতুন্নম্পি পুগ্গলানং ইমিনা সুত্তেন ৰিসেসো ৰেদিতব্বো –
133. Tatiye catunnampi puggalānaṃ iminā suttena viseso veditabbo –
‘‘কতমো চ পুগ্গলো উগ্ঘটিতঞ্ঞূ, যস্স পুগ্গলস্স সহ উদাহটৰেলায ধম্মাভিসমযো হোতি, অযং ৰুচ্চতি পুগ্গলো উগ্ঘটিতঞ্ঞূ। কতমো চ পুগ্গলো ৰিপঞ্চিতঞ্ঞূ, যস্স পুগ্গলস্স ৰিত্থারেন অত্থে ৰিভজিযমানে ধম্মাভিসমযো হোতি, অযং ৰুচ্চতি পুগ্গলো ৰিপঞ্চিতঞ্ঞূ। কতমো চ পুগ্গলো নেয্যো, যস্স পুগ্গলস্স উদ্দেসতো পরিপুচ্ছতো যোনিসোমনসিকরোতো কল্যাণমিত্তে সেৰতো ভজতো পযিরুপাসতো অনুপুব্বেন ধম্মাভিসমযো হোতি, অযং ৰুচ্চতি পুগ্গলো নেয্যো। কতমো চ পুগ্গলো পদপরমো, যস্স পুগ্গলস্স বহুম্পি সুণতো বহুম্পি ভণতো বহুম্পি ধারযতো বহুম্পি ৰাচযতো ন তায জাতিযা ধম্মাভিসমযো হোতি, অযং ৰুচ্চতি পুগ্গলো পদপরমো’’তি (পু॰ প॰ ১৪৮-১৫১)।
‘‘Katamo ca puggalo ugghaṭitaññū, yassa puggalassa saha udāhaṭavelāya dhammābhisamayo hoti, ayaṃ vuccati puggalo ugghaṭitaññū. Katamo ca puggalo vipañcitaññū, yassa puggalassa vitthārena atthe vibhajiyamāne dhammābhisamayo hoti, ayaṃ vuccati puggalo vipañcitaññū. Katamo ca puggalo neyyo, yassa puggalassa uddesato paripucchato yonisomanasikaroto kalyāṇamitte sevato bhajato payirupāsato anupubbena dhammābhisamayo hoti, ayaṃ vuccati puggalo neyyo. Katamo ca puggalo padaparamo, yassa puggalassa bahumpi suṇato bahumpi bhaṇato bahumpi dhārayato bahumpi vācayato na tāya jātiyā dhammābhisamayo hoti, ayaṃ vuccati puggalo padaparamo’’ti (pu. pa. 148-151).
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৩. উগ্ঘটিতঞ্ঞূসুত্তং • 3. Ugghaṭitaññūsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩-৪. উগ্ঘটিতঞ্ঞূসুত্তাদিৰণ্ণনা • 3-4. Ugghaṭitaññūsuttādivaṇṇanā
