| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೭. ಉಗ್ಗಸುತ್ತವಣ್ಣನಾ
7. Uggasuttavaṇṇanā
೭. ಸತ್ತಮೇ ಉಗ್ಗೋ ರಾಜಮಹಾಮತ್ತೋತಿ ಪಸೇನದಿಕೋಸಲಸ್ಸ ಮಹಾಅಮಚ್ಚೋ। ಉಪಸಙ್ಕಮೀತಿ ಭುತ್ತಪಾತರಾಸೋ ಉಪಸಙ್ಕಮಿ। ಅಡ್ಢೋತಿ ನಿಧಾನಗತೇನ ಧನೇನ ಅಡ್ಢೋ। ಮಿಗಾರೋ ರೋಹಣೇಯ್ಯೋತಿ ರೋಹಣಸೇಟ್ಠಿನೋ ನತ್ತಾರಂ ಮಿಗಾರಸೇಟ್ಠಿಂ ಸನ್ಧಾಯೇವಮಾಹ। ಮಹದ್ಧನೋತಿ ವಳಞ್ಜನಧನೇನ ಮಹದ್ಧನೋ। ಮಹಾಭೋಗೋತಿ ಉಪಭೋಗಪರಿಭೋಗಭಣ್ಡಸ್ಸ ಮಹನ್ತತಾಯ ಮಹಾಭೋಗೋ। ಹಿರಞ್ಞಸ್ಸಾತಿ ಸುವಣ್ಣಸ್ಸೇವ। ಸುವಣ್ಣಾಮೇವ ಹಿಸ್ಸ ಕೋಟಿಸಙ್ಖ್ಯಂ ಅಹೋಸಿ। ರೂಪಿಯಸ್ಸಾತಿ ಸೇಸಸ್ಸ ತಟ್ಟಕಸರಕಅತ್ಥರಣಪಾವುರಣಾದಿನೋ ಪರಿಭೋಗಪರಿಕ್ಖಾರಸ್ಸ ಪಮಾಣಸಙ್ಖಾನೇ ವಾದೋಯೇವ ನತ್ಥಿ।
7. Sattame uggo rājamahāmattoti pasenadikosalassa mahāamacco. Upasaṅkamīti bhuttapātarāso upasaṅkami. Aḍḍhoti nidhānagatena dhanena aḍḍho. Migārorohaṇeyyoti rohaṇaseṭṭhino nattāraṃ migāraseṭṭhiṃ sandhāyevamāha. Mahaddhanoti vaḷañjanadhanena mahaddhano. Mahābhogoti upabhogaparibhogabhaṇḍassa mahantatāya mahābhogo. Hiraññassāti suvaṇṇasseva. Suvaṇṇāmeva hissa koṭisaṅkhyaṃ ahosi. Rūpiyassāti sesassa taṭṭakasarakaattharaṇapāvuraṇādino paribhogaparikkhārassa pamāṇasaṅkhāne vādoyeva natthi.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೭. ಉಗ್ಗಸುತ್ತಂ • 7. Uggasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧. ಧನವಗ್ಗವಣ್ಣನಾ • 1. Dhanavaggavaṇṇanā
