| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩. ਉਗ੍ਗਹਸੁਤ੍ਤવਣ੍ਣਨਾ
3. Uggahasuttavaṇṇanā
੩੩. ਤਤਿਯੇ ਸਬ੍ਬਪਠਮਂ ਉਟ੍ਠਾਨਸੀਲਾਤਿ ਰਤ੍ਤਿਯਾ વਿਭਾਯਨવੇਲਾਯ ਸਾਮਿਕੇ ਪਰਿਜਨੇ ਸੇਯ੍ਯਾਯ ਅવੁਟ੍ਠਿਤੇ ਸਬ੍ਬਪਠਮਂ ਉਟ੍ਠਾਨਸੀਲਾ। ਸਾਮਿਕਂ ਦਿਸ੍વਾ ਨਿਸਿਨ੍ਨਾਸਨਤੋ ਅਗ੍ਗਿਦਡ੍ਢਾ વਿਯ ਪਠਮਮੇવ વੁਟ੍ਠਹਨ੍ਤੀਤਿ વਾ ਪੁਬ੍ਬੁਟ੍ਠਾਯਿਨਿਯੋ। ਕਿਂਕਾਰਨ੍ਤਿ ਕਿਂਕਰਣੀਯਂ, ਕਿਂਕਰਣਭਾવੇਨ ਪੁਚ੍ਛਿਤ੍વਾ ਕਾਤਬ੍ਬવੇਯ੍ਯਾવਚ੍ਚਨ੍ਤਿ ਅਤ੍ਥੋ। ਤਂ ਪਟਿਸ੍ਸੁਣਨ੍ਤਾ વਿਚਰਨ੍ਤੀਤਿ ਕਿਂਕਾਰਪ੍ਪਟਿਸ੍ਸਾવਿਨਿਯੋ। ਮਨਾਪਂਯੇવ ਕਿਰਿਯਂ ਕਰੋਨ੍ਤਿ ਸੀਲੇਨਾਤਿ ਮਨਾਪਚਾਰਿਨਿਯੋ। ਪਿਯਮੇવ વਦਨ੍ਤਿ ਸੀਲੇਨਾਤਿ ਪਿਯવਾਦਿਨਿਯੋ।
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
ਤਤ੍ਰੁਪਾਯਾਯਾਤਿ ਤਤ੍ਰ ਕਮ੍ਮੇ ਸਾਧੇਤਬ੍ਬਉਪਾਯਭੂਤਾਯ વੀਮਂਸਾਯ। ਤੇਨਾਹ ‘‘ਤਸ੍ਮਿਂ ਉਣ੍ਣਾਕਪ੍ਪਾਸਸਂવਿਧਾਨੇ’’ਤਿਆਦਿ। ਅਲਂ ਕਾਤੁਨ੍ਤਿ ਕਾਤੁਂ ਸਮਤ੍ਥਾ। ਅਲਂ ਸਂવਿਧਾਤੁਨ੍ਤਿ વਿਚਾਰੇਤੁਂ ਸਮਤ੍ਥਾ। ਤੇਨਾਹ ‘‘ਅਲਂ ਕਾਤੁਂ ਅਲਂ ਸਂવਿਧਾਤੁਨ੍ਤਿ ਅਤ੍ਤਨਾ ਕਾਤੁਮ੍ਪਿ ਪਰੇਹਿ ਕਾਰਾਪੇਤੁਮ੍ਪੀ’’ਤਿਆਦਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
ਉਗ੍ਗਹਸੁਤ੍ਤવਣ੍ਣਨਾ ਨਿਟ੍ਠਿਤਾ।
Uggahasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਉਗ੍ਗਹਸੁਤ੍ਤਂ • 3. Uggahasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩. ਉਗ੍ਗਹਸੁਤ੍ਤવਣ੍ਣਨਾ • 3. Uggahasuttavaṇṇanā
