| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. உக்³க³ஹஸுத்தவண்ணனா
3. Uggahasuttavaṇṇanā
33. ததியே ஸப்³ப³பட²மங் உட்டா²னஸீலாதி ரத்தியா விபா⁴யனவேலாய ஸாமிகே பரிஜனே ஸெய்யாய அவுட்டி²தே ஸப்³ப³பட²மங் உட்டா²னஸீலா. ஸாமிகங் தி³ஸ்வா நிஸின்னாஸனதோ அக்³கி³த³ட்³டா⁴ விய பட²மமேவ வுட்ட²ஹந்தீதி வா புப்³பு³ட்டா²யினியோ. கிங்காரந்தி கிங்கரணீயங், கிங்கரணபா⁴வேன புச்சி²த்வா காதப்³ப³வெய்யாவச்சந்தி அத்தோ². தங் படிஸ்ஸுணந்தா விசரந்தீதி கிங்காரப்படிஸ்ஸாவினியோ. மனாபங்யேவ கிரியங் கரொந்தி ஸீலேனாதி மனாபசாரினியோ. பியமேவ வத³ந்தி ஸீலேனாதி பியவாதி³னியோ.
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
தத்ருபாயாயாதி தத்ர கம்மே ஸாதே⁴தப்³ப³உபாயபூ⁴தாய வீமங்ஸாய. தேனாஹ ‘‘தஸ்மிங் உண்ணாகப்பாஸஸங்விதா⁴னே’’திஆதி³. அலங் காதுந்தி காதுங் ஸமத்தா². அலங் ஸங்விதா⁴துந்தி விசாரேதுங் ஸமத்தா². தேனாஹ ‘‘அலங் காதுங் அலங் ஸங்விதா⁴துந்தி அத்தனா காதும்பி பரேஹி காராபேதும்பீ’’திஆதி³. ஸேஸமெத்த² ஸுவிஞ்ஞெய்யமேவ.
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
உக்³க³ஹஸுத்தவண்ணனா நிட்டி²தா.
Uggahasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. உக்³க³ஹஸுத்தங் • 3. Uggahasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. உக்³க³ஹஸுத்தவண்ணனா • 3. Uggahasuttavaṇṇanā
