| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. उदुम्बरफलदायकत्थेरअपदानं
3. Udumbaraphaladāyakattheraapadānaṃ
१५.
15.
‘‘विनतानदिया तीरे, विहासि पुरिसुत्तमो।
‘‘Vinatānadiyā tīre, vihāsi purisuttamo;
अद्दसं विरजं बुद्धं, एकग्गं सुसमाहितं॥
Addasaṃ virajaṃ buddhaṃ, ekaggaṃ susamāhitaṃ.
१६.
16.
‘‘तस्मिं पसन्नमानसो, किलेसमलधोवने।
‘‘Tasmiṃ pasannamānaso, kilesamaladhovane;
उदुम्बरफलं गय्ह, बुद्धसेट्ठस्सदासहं॥
Udumbaraphalaṃ gayha, buddhaseṭṭhassadāsahaṃ.
१७.
17.
‘‘एकनवुतितो कप्पे, यं फलमददिं तदा।
‘‘Ekanavutito kappe, yaṃ phalamadadiṃ tadā;
दुग्गतिं नाभिजानामि, फलदानस्सिदं फलं॥
Duggatiṃ nābhijānāmi, phaladānassidaṃ phalaṃ.
१८.
18.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१९.
19.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
२०.
20.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा उदुम्बरफलदायको थेरो इमा गाथायो अभासित्थाति।
Itthaṃ sudaṃ āyasmā udumbaraphaladāyako thero imā gāthāyo abhāsitthāti.
उदुम्बरफलदायकत्थेरस्सापदानं ततियं।
Udumbaraphaladāyakattherassāpadānaṃ tatiyaṃ.
