| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৩. উদুম্বরফলদাযকত্থেরঅপদানং
3. Udumbaraphaladāyakattheraapadānaṃ
১৫.
15.
‘‘ৰিনতানদিযা তীরে, ৰিহাসি পুরিসুত্তমো।
‘‘Vinatānadiyā tīre, vihāsi purisuttamo;
অদ্দসং ৰিরজং বুদ্ধং, একগ্গং সুসমাহিতং॥
Addasaṃ virajaṃ buddhaṃ, ekaggaṃ susamāhitaṃ.
১৬.
16.
‘‘তস্মিং পসন্নমানসো, কিলেসমলধোৰনে।
‘‘Tasmiṃ pasannamānaso, kilesamaladhovane;
উদুম্বরফলং গয্হ, বুদ্ধসেট্ঠস্সদাসহং॥
Udumbaraphalaṃ gayha, buddhaseṭṭhassadāsahaṃ.
১৭.
17.
‘‘একনৰুতিতো কপ্পে, যং ফলমদদিং তদা।
‘‘Ekanavutito kappe, yaṃ phalamadadiṃ tadā;
দুগ্গতিং নাভিজানামি, ফলদানস্সিদং ফলং॥
Duggatiṃ nābhijānāmi, phaladānassidaṃ phalaṃ.
১৮.
18.
‘‘কিলেসা ঝাপিতা ময্হং…পে॰… ৰিহরামি অনাসৰো॥
‘‘Kilesā jhāpitā mayhaṃ…pe… viharāmi anāsavo.
১৯.
19.
‘‘স্ৰাগতং ৰত মে আসি…পে॰… কতং বুদ্ধস্স সাসনং॥
‘‘Svāgataṃ vata me āsi…pe… kataṃ buddhassa sāsanaṃ.
২০.
20.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা উদুম্বরফলদাযকো থেরো ইমা গাথাযো অভাসিত্থাতি।
Itthaṃ sudaṃ āyasmā udumbaraphaladāyako thero imā gāthāyo abhāsitthāti.
উদুম্বরফলদাযকত্থেরস্সাপদানং ততিযং।
Udumbaraphaladāyakattherassāpadānaṃ tatiyaṃ.
