| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਉਦਾਯੀਸੁਤ੍ਤવਣ੍ਣਨਾ
9. Udāyīsuttavaṇṇanā
੧੫੯. ਨવਮੇ ਅਨੁਪੁਬ੍ਬਿਂ ਕਥਂ ਕਥੇਸ੍ਸਾਮੀਤਿ ਦਾਨਾਨਨ੍ਤਰਂ ਸੀਲਂ, ਸੀਲਾਨਨ੍ਤਰਂ ਸਗ੍ਗਨ੍ਤਿ ਏવਂ ਦੇਸਨਾਨੁਪੁਬ੍ਬਿਂ ਕਥਂ વਾ, ਯਂ ਯਂ ਸੁਤ੍ਤਪਦਂ વਾ ਗਾਥਾਪਦਂ વਾ ਨਿਕ੍ਖਿਤ੍ਤਂ ਹੋਤਿ, ਤਸ੍ਸ ਤਸ੍ਸ ਅਨੁਰੂਪਕਥਂ ਕਥੇਸ੍ਸਾਮੀਤਿ ਚਿਤ੍ਤਂ ਉਪਟ੍ਠਪੇਤ੍વਾ ਪਰੇਸਂ ਧਮ੍ਮੋ ਦੇਸੇਤਬ੍ਬੋ। ਪਰਿਯਾਯਦਸ੍ਸਾવੀਤਿ ਤਸ੍ਸ ਤਸ੍ਸ ਅਤ੍ਥਸ੍ਸ ਤਂ ਤਂ ਕਾਰਣਂ ਦਸ੍ਸੇਨ੍ਤੋ। ਕਾਰਣਞ੍ਹਿ ਇਧ ਪਰਿਯਾਯੋਤਿ વੁਤ੍ਤਂ। ਅਨੁਦ੍ਦਯਤਂ ਪਟਿਚ੍ਚਾਤਿ ‘‘ਮਹਾਸਮ੍ਬਾਧਪ੍ਪਤ੍ਤੇ ਸਤ੍ਤੇ ਸਮ੍ਬਾਧਤੋ ਮੋਚੇਸ੍ਸਾਮੀ’’ਤਿ ਅਨੁਕਮ੍ਪਂ ਆਗਮ੍ਮ। ਨ ਆਮਿਸਨ੍ਤਰੋਤਿ ਨ ਆਮਿਸਹੇਤੁਕੋ, ਅਤ੍ਤਨੋ ਚਤੁਪਚ੍ਚਯਲਾਭਂ ਅਨਾਸੀਸਨ੍ਤੋਤਿ ਅਤ੍ਥੋ। ਅਤ੍ਤਾਨਞ੍ਚ ਪਰਞ੍ਚ ਅਨੁਪਹਚ੍ਚਾਤਿ ਅਤ੍ਤੁਕ੍ਕਂਸਨਪਰવਮ੍ਭਨਾਦਿવਸੇਨ ਅਤ੍ਤਾਨਞ੍ਚ ਪਰਞ੍ਚ ਗੁਣੁਪਘਾਤੇਨ ਅਨੁਪਹਨ੍ਤ੍વਾ।
159. Navame anupubbiṃ kathaṃ kathessāmīti dānānantaraṃ sīlaṃ, sīlānantaraṃ sagganti evaṃ desanānupubbiṃ kathaṃ vā, yaṃ yaṃ suttapadaṃ vā gāthāpadaṃ vā nikkhittaṃ hoti, tassa tassa anurūpakathaṃ kathessāmīti cittaṃ upaṭṭhapetvā paresaṃ dhammo desetabbo. Pariyāyadassāvīti tassa tassa atthassa taṃ taṃ kāraṇaṃ dassento. Kāraṇañhi idha pariyāyoti vuttaṃ. Anuddayataṃ paṭiccāti ‘‘mahāsambādhappatte satte sambādhato mocessāmī’’ti anukampaṃ āgamma. Na āmisantaroti na āmisahetuko, attano catupaccayalābhaṃ anāsīsantoti attho. Attānañca parañca anupahaccāti attukkaṃsanaparavambhanādivasena attānañca parañca guṇupaghātena anupahantvā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਉਦਾਯੀਸੁਤ੍ਤਂ • 9. Udāyīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / (੧੬) ੧. ਸਦ੍ਧਮ੍ਮવਗ੍ਗੋ • (16) 1. Saddhammavaggo
