| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. ဥဒာယိသုတ္တဝဏ္ဏနာ
10. Udāyisuttavaṇṇanā
၂၁၁. ဗဟုကတံ ဝုစ္စတိ ဗဟုကာရော ဗဟုမာနော, နတ္ထိ ဧတသ္သ ဗဟုကတန္တိ အဗဟုကတော, အကတဗဟုမာနော။ ဓမ္မော ဥပ္ပဇ္ဇမာနော ဥက္ကုဇ္ဇန္တော ဝိယ နိရုဇ္ဈမာနော အဝကုဇ္ဇန္တော ဝိယ ဟောတီတိ ဝုတ္တံ ‘‘ဥက္ကုဇ္ဇံ ဝုစ္စတိ ဥဒယော, အဝကုဇ္ဇံ ဝယော’’တိ။ ပရိဝတ္တေန္တောတိ အနိစ္စာတိပိ ဒုက္ခာတိပိ အနတ္တာတိပိ။ ‘‘ဧသော ဟိ တေ ဥဒာယိ မဂ္ဂော ပဋိလဒ္ဓော, ယော တေ။ပေ.။ တထတ္တာယ ဥပနေသ္သတီ’’တိ ပရိယောသာနေ ဘဂဝတော ဝစနဉ္စေတ္ထ သာဓကံ ဒဋ္ဌဗ္ဗံ။ တေန တေနာကာရေန ဝိဟရန္တန္တိ ယေန သမ္မသနာကာရေန ဝိပသ္သနာဝိဟာရေန ဝိဟရန္တံ။ တထာဘာဝာယာတိ ခီဏာသဝဘာဝပစ္စဝေက္ခဏာယ။ တေနာဟ – ‘‘ခီဏာ ဇာတီတိ။ပေ.။ တံ ဒသ္သေန္တော ဧဝမာဟာ’’တိ။
211. Bahukataṃ vuccati bahukāro bahumāno, natthi etassa bahukatanti abahukato, akatabahumāno. Dhammo uppajjamāno ukkujjanto viya nirujjhamāno avakujjanto viya hotīti vuttaṃ ‘‘ukkujjaṃ vuccati udayo, avakujjaṃ vayo’’ti. Parivattentoti aniccātipi dukkhātipi anattātipi. ‘‘Eso hi te udāyi maggo paṭiladdho, yo te…pe… tathattāya upanessatī’’ti pariyosāne bhagavato vacanañcettha sādhakaṃ daṭṭhabbaṃ. Tena tenākārena viharantanti yena sammasanākārena vipassanāvihārena viharantaṃ. Tathābhāvāyāti khīṇāsavabhāvapaccavekkhaṇāya. Tenāha – ‘‘khīṇā jātīti…pe… taṃ dassento evamāhā’’ti.
ဥဒာယိဝဂ္ဂဝဏ္ဏနာ နိဋ္ဌိတာ။
Udāyivaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ဥဒာယိသုတ္တံ • 10. Udāyisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. ဥဒာယိသုတ္တဝဏ္ဏနာ • 10. Udāyisuttavaṇṇanā
