| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૦. ઉદાયિસુત્તવણ્ણના
10. Udāyisuttavaṇṇanā
૨૧૧. બહુકતં વુચ્ચતિ બહુકારો બહુમાનો, નત્થિ એતસ્સ બહુકતન્તિ અબહુકતો, અકતબહુમાનો. ધમ્મો ઉપ્પજ્જમાનો ઉક્કુજ્જન્તો વિય નિરુજ્ઝમાનો અવકુજ્જન્તો વિય હોતીતિ વુત્તં ‘‘ઉક્કુજ્જં વુચ્ચતિ ઉદયો, અવકુજ્જં વયો’’તિ. પરિવત્તેન્તોતિ અનિચ્ચાતિપિ દુક્ખાતિપિ અનત્તાતિપિ. ‘‘એસો હિ તે ઉદાયિ મગ્ગો પટિલદ્ધો, યો તે…પે॰… તથત્તાય ઉપનેસ્સતી’’તિ પરિયોસાને ભગવતો વચનઞ્ચેત્થ સાધકં દટ્ઠબ્બં. તેન તેનાકારેન વિહરન્તન્તિ યેન સમ્મસનાકારેન વિપસ્સનાવિહારેન વિહરન્તં. તથાભાવાયાતિ ખીણાસવભાવપચ્ચવેક્ખણાય. તેનાહ – ‘‘ખીણા જાતીતિ…પે॰… તં દસ્સેન્તો એવમાહા’’તિ.
211. Bahukataṃ vuccati bahukāro bahumāno, natthi etassa bahukatanti abahukato, akatabahumāno. Dhammo uppajjamāno ukkujjanto viya nirujjhamāno avakujjanto viya hotīti vuttaṃ ‘‘ukkujjaṃ vuccati udayo, avakujjaṃ vayo’’ti. Parivattentoti aniccātipi dukkhātipi anattātipi. ‘‘Eso hi te udāyi maggo paṭiladdho, yo te…pe… tathattāya upanessatī’’ti pariyosāne bhagavato vacanañcettha sādhakaṃ daṭṭhabbaṃ. Tena tenākārena viharantanti yena sammasanākārena vipassanāvihārena viharantaṃ. Tathābhāvāyāti khīṇāsavabhāvapaccavekkhaṇāya. Tenāha – ‘‘khīṇā jātīti…pe… taṃ dassento evamāhā’’ti.
ઉદાયિવગ્ગવણ્ણના નિટ્ઠિતા.
Udāyivaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. ઉદાયિસુત્તં • 10. Udāyisuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. ઉદાયિસુત્તવણ્ણના • 10. Udāyisuttavaṇṇanā
