| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
१०. उदायिसुत्तवण्णना
10. Udāyisuttavaṇṇanā
२११. बहुकतं वुच्चति बहुकारो बहुमानो, नत्थि एतस्स बहुकतन्ति अबहुकतो, अकतबहुमानो। धम्मो उप्पज्जमानो उक्कुज्जन्तो विय निरुज्झमानो अवकुज्जन्तो विय होतीति वुत्तं ‘‘उक्कुज्जं वुच्चति उदयो, अवकुज्जं वयो’’ति। परिवत्तेन्तोति अनिच्चातिपि दुक्खातिपि अनत्तातिपि। ‘‘एसो हि ते उदायि मग्गो पटिलद्धो, यो ते…पे॰… तथत्ताय उपनेस्सती’’ति परियोसाने भगवतो वचनञ्चेत्थ साधकं दट्ठब्बं। तेन तेनाकारेन विहरन्तन्ति येन सम्मसनाकारेन विपस्सनाविहारेन विहरन्तं। तथाभावायाति खीणासवभावपच्चवेक्खणाय। तेनाह – ‘‘खीणा जातीति…पे॰… तं दस्सेन्तो एवमाहा’’ति।
211. Bahukataṃ vuccati bahukāro bahumāno, natthi etassa bahukatanti abahukato, akatabahumāno. Dhammo uppajjamāno ukkujjanto viya nirujjhamāno avakujjanto viya hotīti vuttaṃ ‘‘ukkujjaṃ vuccati udayo, avakujjaṃ vayo’’ti. Parivattentoti aniccātipi dukkhātipi anattātipi. ‘‘Eso hi te udāyi maggo paṭiladdho, yo te…pe… tathattāya upanessatī’’ti pariyosāne bhagavato vacanañcettha sādhakaṃ daṭṭhabbaṃ. Tena tenākārena viharantanti yena sammasanākārena vipassanāvihārena viharantaṃ. Tathābhāvāyāti khīṇāsavabhāvapaccavekkhaṇāya. Tenāha – ‘‘khīṇā jātīti…pe… taṃ dassento evamāhā’’ti.
उदायिवग्गवण्णना निट्ठिता।
Udāyivaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. उदायिसुत्तं • 10. Udāyisuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १०. उदायिसुत्तवण्णना • 10. Udāyisuttavaṇṇanā
