| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. উদাযিসুত্তৰণ্ণনা
10. Udāyisuttavaṇṇanā
২১১. বহুকতং ৰুচ্চতি বহুকারো বহুমানো, নত্থি এতস্স বহুকতন্তি অবহুকতো, অকতবহুমানো। ধম্মো উপ্পজ্জমানো উক্কুজ্জন্তো ৰিয নিরুজ্ঝমানো অৰকুজ্জন্তো ৰিয হোতীতি ৰুত্তং ‘‘উক্কুজ্জং ৰুচ্চতি উদযো, অৰকুজ্জং ৰযো’’তি। পরিৰত্তেন্তোতি অনিচ্চাতিপি দুক্খাতিপি অনত্তাতিপি। ‘‘এসো হি তে উদাযি মগ্গো পটিলদ্ধো, যো তে…পে॰… তথত্তায উপনেস্সতী’’তি পরিযোসানে ভগৰতো ৰচনঞ্চেত্থ সাধকং দট্ঠব্বং। তেন তেনাকারেন ৰিহরন্তন্তি যেন সম্মসনাকারেন ৰিপস্সনাৰিহারেন ৰিহরন্তং। তথাভাৰাযাতি খীণাসৰভাৰপচ্চৰেক্খণায। তেনাহ – ‘‘খীণা জাতীতি…পে॰… তং দস্সেন্তো এৰমাহা’’তি।
211. Bahukataṃ vuccati bahukāro bahumāno, natthi etassa bahukatanti abahukato, akatabahumāno. Dhammo uppajjamāno ukkujjanto viya nirujjhamāno avakujjanto viya hotīti vuttaṃ ‘‘ukkujjaṃ vuccati udayo, avakujjaṃ vayo’’ti. Parivattentoti aniccātipi dukkhātipi anattātipi. ‘‘Eso hi te udāyi maggo paṭiladdho, yo te…pe… tathattāya upanessatī’’ti pariyosāne bhagavato vacanañcettha sādhakaṃ daṭṭhabbaṃ. Tena tenākārena viharantanti yena sammasanākārena vipassanāvihārena viharantaṃ. Tathābhāvāyāti khīṇāsavabhāvapaccavekkhaṇāya. Tenāha – ‘‘khīṇā jātīti…pe… taṃ dassento evamāhā’’ti.
উদাযিৰগ্গৰণ্ণনা নিট্ঠিতা।
Udāyivaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. উদাযিসুত্তং • 10. Udāyisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. উদাযিসুত্তৰণ্ণনা • 10. Udāyisuttavaṇṇanā
